China Ram Ah Kawlram Mi Thongthla Mi Minung Pahnih Zong COVID-19 Nih A Tlak Hna

A poi kho taktak khi a si ko cang thongtlak he tihnung zawtnak virus nih a phak fawn hoi hna caah lungrethei le zaangfak cu an si ve hrim ko hna. China ram Hupey pengkhulh chungh ah thongtla mi Kawlram mi minung pahnih hna cu Coronavirus zawtnak nih a phak hna tiah an thonguk nih a chim mi cu China ram Myanmar Ambassador nih thawngthanh nak a tuah.

Hi Kawlram mi minung pahnih hna hi riithai sii phungning loin an phorh ruang le an zuar ruang ah an tleih mi hna an si i thong an thlak mi hna a si. Cun hi hna pahnih hi February 27 le 28 ah khan siizung an an rak kal pi cang mi hna an si i siibawi tenih an thlop len ve ko hna nain an sining a that deuh rih lo caah siizung ah cun an riak rih ko tiah zong thongbawi nih cun China hrambunh Myanmar Embassy sin ah a chim ning a si.

Hi hna pahnih thong an tlak nak hmun hi Wuhan pawng teah a si i Coronavirus a chuahnak hmun le tihnung in a karh nak hmun a si caah thinphang in an um khun nak zong hi a si fawn. Cun coronavirus ruang ah Singapore ramah Kawlram mi pakhat le China ram ah minung pahnih nih an zawt ve cang caah China le Korea ram te hna ah a um mi hna Kawl ram mi pawl caah cun thinphang dailo a hun si chin lengmang cang ko tiah zong an chim.

Ref: DVB

 155 total views,  1 views today

This function has been disabled for Chin 11 News.