China Pa Sin Ah Phaisa Ting 10 In, A Fanu A Zuar

Mandalay, Myitta khua i a ummi nu pakhat nih afanu kum 14 mi cu a fanu lungtlingnak tel loin china pa sin ah phaisa ting 10 in a zuar. Hi ruangah hin minung 5 cu bia ceihnak zung bia ceih piak an si lai.

China pa hi kum 50 mi a si,Mandalay Myitta khua ah hmaithak dum nei in sipuaizi a tuah mi a si. passpost hmang in Myanmar ram chung a lut mi a si nain a passpost visa a dih cang mi a si tiah theih a si.

Mandalay Myittaa i an khuabawi nih a fanu kum 14 mi cu chinapa sinah phaisa ting 10 in a zuar dingin a forh ruangah a mah zawng case tuah piak a si ve. myanmar & china holh leh tu le Myittaa khua i rian hruaitu upa zawng case tuah piak an si ve.

A fanu kum 14 mi lungtlingnak tel loin china pa he ni 4 chung nu-pa sinak an tuah ter cang hna. A nu nih a fanu cu nu-pa sinak na tuah pi lo a si ahcun ka inn ah hun lawi ti hlah tiin a rak hro.

Ni 4 hnuah China pa sin in a zam khawh i a pu sin ah a sining cu a chimh dih. A pu nih Mandalay bia ceih nak zung ah case tuah piak ding in a ti hna i anu le Myittaa khuabawi tel in minung 5 cu tlaih an si.

Kum tling lo an tlaihhrem le zuar tluk a si ruangah pukmah 376/366 case an tuah piak dih an si. China pa zawng thonginn chungah an chiah cang. Midang minung 4 zawng Myittaa palik nih an tliah hna, tiah pailk KoMyozin nih cun a chim.

 209 total views,  1 views today

This function has been disabled for Chin 11 News.