China Nih Tangka An Pek Mizat Telawng US Nih Kan Pek Ve Cang Lai

President Trump nih WHO cungah lunghrinh nak a ngeih mi a zual chin lengmang, WHO nih China ttanh in bia a chim i rian a tuan lengmang caah kumtin kan pek tawn mi tangka hi China nih WHO sinah an pek mizat telawng in kan pek ve cang lai tiah a chim. Vawlei cung ram vialte lakah US hi WHO sinah tangka a thawh mi tamcem lengmang a si ko nain Covid-19 a chuah hnuin US nih WHO cungah lunghrinh nak le zumh lonak fak ngai in a ngeih.

Cun President Trump nih a chim mi cu “US nih WHO sinah tangka kan thawh mi a tamtluk in WHO nih US hi a zohkhanh duh lo i zei ah a rel lo. Cun Khatlei in kan zohthan a si ah cun Covid-19 kong ah WHO nih China lei ttang in dir hlah sehlaw tuan tein vawlei cung mipi sinah COVID-19 kong hi thawngpang fiang a thanh khawh tuk ding zong a si.

WHO nih China mithmai zoh in rian a tuan le bia a chim lengmang caah kan nih US caah cun China nih WHO sinah an thawh mi tangka zat telawng hi kan thawh ve ko cang lai” tiah President Trump nih cun a chim. President Trump nih hin WHO sinah tangka an pek tawn mi cu 90% bak a phih cang hna caah China nih $ 10% ah thawh ah cun US zong nih $10 %  lawng thawh ve ding a si ko cang.

Asinain WHO nih cun China ttanh in bia kan chim hrimhrim lo, China sinin COVID-19 thawngpang kan theih hnu nihnih ah pulrai zawtnak asi tiah vawlei cung ah thawngzamh nak kan tuah cawlh ve ko tiah an chim.

Ref: D Nae Khit Media

 140 total views,  1 views today

This function has been disabled for Chin 11 News.