China nih a ramchung thil kongah US cu i thlak lo dingin a theihter

China nih July 1 thawkin hman mi Hong Kong national security law an hmanmi kongah, ramchung thil a si caah i thlak lo dingin US a theihter.

China forreign ministry nih phung a kalh lo ning i, china nawlneih nak hi China nih a hman awk si ko tiah a chim. US le Hong Kong remnak Hong Kong Autonomy Act 1992 cu soisel in, hihi China le Hong Kong chiat ter an timh tiin, US nih lih hmangin China a puh lengmang tiah a chim.

US president Donald Trump nihcun nihnih ni ah khan executive order a chuah i, China sin i a lungawi lo ruangah Hong Kong he chawleh hrawl nak a phih i, cu lawng si loin Chinese official, chawleh thal nak le bank lei ti bantuk pawl cu US a phih piak viar hna.

Hong Kong he chawleh thalnak hmun a phih nak a ruang hi, China nih Hong Kong i national security law an hmang ruangah a si i, hi an law hi Hong Kong mi caah luatnak theipar a si tiah Trump nih a chim. Tu ah cun Hong Kong cu mainland China he i lo in an um cang i, Hong Kong nih cun US sin i pehtlaihnak le ecomony lei i a rak bawmh tawnnak le technology lei i a rak bawmh tawnnak hna cu an law thar nih a hloh viar tiah Trump nih cun a chim.

Hi ruangah hin Trump nihcun Hong Kong mi cheukhat nihcun an ram hi an chuah tak lai tiah a zumhnak a chim

 114 total views,  1 views today

This function has been disabled for Chin 11 News.