China Le India Cu Foreign Minister Pahnih An I Tong Hnu In Daihnak An Ser Khawh Cang

India le China cu remnak an tuah cang tiah theih a si, hi ramri kan buainak hi a ho ca hmanh ah thatnak chuahpi nakin that lo nak le miak nak a um lo mi a si tiah an chim. hi rem nak an tuah mi hi Russia Khuapi Moscow ah China forgein minister le India foreign minister an i ton nak thawngin a theitlai an hmuh mi a si tiah India comander pakhat nih a chim.

 

Hi ram pahnih hi caan saupi aa hua mi le ramri ah a buai mi an si i, hi an biaruah nak hi suimilam 14 chung an i ruah hnu ah an ram ralkap cu a ho kan si zongah kan kir veve lai i, kan pahnih kar theihthiam nak a um lo a si ah cun, tonnak kan nei peng lai i remnak kan tuah peng lai tiah an i ceih ti.

China nih raltuk nak teng le ralthuam lianlian cu ramri ah, South China Sea i a chiah mi bantuk cu tampi a chiah tiah India nih cun an chim. hi a chiah mi hi fak fakpi i buainak a chuah a si ah cun awlsam te i hman khawh ding in a tim peng mi a rak si. Asinain a tutan an biaruahnak le an ceih mi hi cu tlangtling ngai dawh a si ko tiah India nih cun an chim.

An ralkap le an hriammam vialte cu an kir pi veve lai i, a zei maw buainak tete a um a si ah cun, thutdenh cung tu ah felfai tein ceih a si cang lai tiah an chim. hi remnak a chuah pi tu hi foreign minister pahnih an i ton hnu in mah viate daih nak hi a chuk mi a si i, hmailei ah cun ram pahnih hi zalawng te le an buainak pawl a that ning lei in khawkhan siseh tiah bia an khiah cang.

 196 total views,  1 views today

This function has been disabled for Chin 11 News.