China Le India Caah Zeitluk In Dah Arakan Army (AA) Hi An Biapit?

Rakhine State hi China le India caah a biapi taktakmi State a si. Zeiruangah dah a biapit ti cun a tu China le India nih Kawlram chungah Major Investment an tuahnak hmun cu Rakhine ram ah an si hna. China nih Rakhine ah a ngeihmi projects hna cu, Kyaukphyu Deep Sea Port, Special Economic Zone in Kyaukphyu, Rail-Road & Oil-Gas Pipelines to Yunnan hna an si. USD billions man a si caah Chinna nih hi project sungh ding hi Lungwa a ruat kho lo. India nih Rakhine ah Project a ngeih mi cu Sittwe Port, Zorinpui, Mizoram le Sittwe, Rakhine kar direct Sipuazi lampi ( 109-kilometr) hna hi ser an si. Cu project ahcun a tu AA nih hna an hnawh pengmi Kalatan hlei donhmi te pawl zong khi an i tel dih. USD billions in a dih dingmi project ngan pakhat a si ve. India nih hi project sungh hi a duh bak ve lomi a si. AA (Arakan Army) nihin zeitikhmanh ah China project hi hna an hnawh ballo, nain India project hi cu kal kho lo bak in hna an hnawh hna caah India zong a lungdong ngai cang.

An riantuantu an tleih piak thulh hna, an thilri a phormi tilawng an kah piak thulh hna, a phunphun in hna hnawhnak an pek hna. Ahlei in, India ralkap nih Mizoram ummi AA pawl an kah hna (Operation Sunrise) hnu in AA nih India project hi hna an hnawh khun in a lang. Tun Myat Naing nih a rak chimmi cu “China nih cun tha tein an kan reconize (thohkhan) nain India nih cun an kan thohkhan duh lo” tiah a rak chim. Mifim tampi nih China nihhin Kyaukphyu Project kongah AA hi phaisa zeimazat a pek hna i a si hnga maw? tiah an ruah. India nih an kan reconize duh lo an timi hna hi, China bantukin Rakhine ram pejoect caah phaisa an kan pe duh ve lo an ti nak hna a si kho men tiah ruahdamh a si. Cucca’h, a tu bantukin India nih AA hi zeirel loin a um i, dohkalh lei in ai laak a si ahcun Rakhine ram chung ah Billions man in a ngeihmi project hi a hlawh tling kho lai lo tiah mithiamsang pawl nih an ruahdamh.

Asiahcun India nih zei tu dah ai thim te hnga? kawl ralkap he fekthup in kut i tuai i AA dohkalh maw ai thim lai? asiloah AA an lungtluanh i Rakhine ram chung an project tluang tein kalpi tu dah ai thim te hnga? Asiloah, kawl ralkap le AA kar ah daihnak/remnak ser tu dah ai zuam te hnga? tihi a tulio ah mipi nih cuanh bikmi a si. India nih zeitluk hmanh in kawl ralkap cu a lungtlunh hna hmanh sehlaw, AA an hmunh chung cu Rakhine ram India project a tluang lo hrimhrim. India nih a duhmi cu Rakhine project tlamtlinh hi a si ko caah, AA hi a tluakhloi te ko theu men lai tiah zumh cio asi.

Written By

Pu Thaceu Lian

 277 total views,  1 views today

This function has been disabled for Chin 11 News.