Thantlang SAC Ralkap Riahcaw Chiahnak Drone In An Kah Caah A Kang
Chin ramkulh, Thantlang um SAC ralkap hna ca ah helicopter in phurhmi riahcaw hna cu February ni 26, zanlei ah CNA le CDF nih drone in an kahpiak hna caah a kang tiah theih a si.
Cu ni zanlei suimilam 3:00PM hrawng ah SAC ralkap nih raltuknak vanlawng 2 le Mi-35 helicopter pakhat hmang in Thantlang khuachung an kah, cu hnu ah Mi-17 thilphurhnak helicopter nih riahcaw a chanh hna tiah theih a si.
Thilphur helicopter nih a chanhmi hna riahcaw cu Chin ralkap nih drone in an kah caah an riahcaw a dihlak ti tluk in a kang, caku bawm box khat lawng SAC ralkap nih an thiar khawh tiah theih a si.
Riahcaw fun an kangh lioah meithalkuan a si lai tiah zumhmi a puak. Riahcaw a chantu SAC ralkap helicopter Mi-17 cu hliamh a ton caah a khu tom he Hakha lei ah a kir tiah theih a si.
Cu ni zanlei ah SAC ralkap nih raltuknak vanlawng hmang in Thantlang khuachung an kah lioah inn 8 hrawng a kang tiah theih a si.
Relchap>>>>>
Naypyidaw, Dekkhina Thiri peng USDP zung ah Public security force chungtel minung 300 hriamthil pek caan hmannak tiah min bunh in tuahmi hmun ah Ruafungzummi le party min khenhmi thilpuan an pek hna tiah cuka hmun ah a kal vemi pakhat nih a chim.
A liamcia February ni 21 ah tuahmi caan hmannak ah cun USDP party chungtel Minister of Agriculture a rak ṭuan balmi U Myint Hlaing nih cu caan hmannak cu a hruai hna tiah USDP party chungtel pakhat nih a chim.
Tualchung mi hna cu license he meithal tlaih khawhnak sok khawh a si tiin caan an onh lioah, hriamthil pek caan hmannak tiah min bunhnak tuah in Ruafungzum an pekmi hna kong ah anmah party chung ah i soiselnak zeimaw a um tiah theih a si.
“Party chungtel upa hna nih cun hi thil an tuahmi hi an lungtlin dawh a si lo” tiah cuka caan hmannak hmun ah a kal vemi party chunhtel pakhat nih a chim. Hriamthil pek caan hmannak ah party he aa naihniammi media cheukhat nih hriamthil pek caan hmannak tiah an thlahmi kong ah thlah lo ding in an chimh ṭhan hna tiah a chim chap.
BBC
Leave a Reply