Chin Ramchung Ah Covid-19 Mizaw Thar Minung Pahnih Hmuh Chap An Si

Tuchun ah ngandam nak zung lei nih thawngthanh nak an tuah mi chung ah Chin ramchung in Covid-19 mizaw thar minung pahnih hmuh chap an si tiah an langhter. Hi bantuk in thawngpang ngaih nuam lo deuh mi theih hi cu a nuam lo ngai ko.

Hi kong he pehtlai in The Chinland Post nih an tial ning ah cun “Chin ramkulh Tonzang ah COVID-19 zawtnak hrik (India tlung mi) minung pahninh sin in an hmuh than” tiah thawngthanh nak zong an kan tuah mi chung in thawngtheih mi a si.

Covid-19 zawtnak rungrul an hmuh mi hna Tonzaang pengkulh chung minung pahnih hna hi kum 29 le kum 18 an si I an pahnih in pa veve an si. Cun India ram in a rak tlung mi an si tiah an langhter. Kan hnu deuh zong ah khan Tonzaang pengkulh chung ah India ram in a rak tlung mi hna kum 6 hngakchia le hringtu a nu zong Covid-19 Positve an si cang tiah thawngtheih a si cang.

Tuchun ah mizaw thar an hmuh mi hna hi Tidim siizung ah an chiah hna I ni zeizat dah Quarantine ah a rak um cang mi an si ti hi an langhter rih lo. Asinain Covid-19 Positive an si ti cu fiang tein thawngthnah nak an tuah.

 121 total views,  1 views today

This function has been disabled for Chin 11 News.