Chin Ramah Anmah Lawng Lawng hi Hriamtlai Taktak Cu An Si!

Chin ram ah miphun hriamtlai pakhat lawng a um. Cucu CNA/F lawng a si. A dang hriamtlai Chinram ah an um lo.

Nizan nai hrawng ah CNDF an van dirh tharmi he Chinram ah hriamtlai phu 4 kan um cang tiah nan ti i nan post cio hna. Hihi thil sining nan theih lo caah a si.

Kan unau Falam hna nih Mizoram Champhai ah hrambunh in CNDF thar an hun dirh. Hihi Sagaing ramthen Kalay peng le anmah Falam peng venhimnak ding caah biapi in an dirhmi a si kha an hruaitu Salai William Chin ( min deu ) nih interview ah a chim cangmi a si.

ZRA hi Chinram ah an um lo. Myanmar le India ramri Manipur chung ah a ummi an si. India cozah nih ramri hngak ralkap ah a hmanmi hna an si. Minung 200 tluk hrawng an si. Manipur ramkulh chung ah a cawlcang deuh mi an si. A can ah Tedim peng ah an hung lang pah tawn. Tedim peng ah CNA camp zong a um ko.

KNA Kuki Natioanal Army hi Manipur ram thiam ah an um. Nan theih bantuk in Manipur ramkulh hi hriamtlai phu tampi an umnak a si. KNU hi Manipur ah a ummi an mah Kahte miphun caah a dirmi an si. Chin miphun kan unau cu an si ve. Nain Chinram ah an um lo. Chinram caah dirhmi hriamtlai zong an si lo. Sagaing ramthen lei deuh ah khin a can ah an cawlcang.

CNDF nizan naite ah kan unau Falam hna nih an dirh mi kha a si. An hruaitu hna cu Mizoram Champhai ah an um. Kalay – Kabaw ca deuh ah an dirhmi a si. Sagaing ramthen ah a ummi Chin miphun himnak caah emergency in dirh mi a si. Cun, Falam peng ah khin um hmun khur zong an i tim pah tiah theih a si.

Sinain CNDF hi cu Chin miphun caah ruahchan ding an um lo. A ruang cu an mah Falam lei mino tete lawng tlawmpak an si tikah can a rauh ahcun an vaivuan than colh dingmi a si. Hihi cu hriamtlai ti awk tlak an si lai lo. Kawlram khuapi ah sandah piah tu a venghim tu defense bantuk kha an si ko.

CNF/CNF lawng hi Chin miphun nih kan i ngeih mi Chinram ah hrambunh in hriamtali mi cu an si. A tu an thazang hi 1000-1500 kar hrawng an si lai tiah zumh a um. Chinram pengkip a kan huap dih.

CNF ahhin Hakah, Thantlang, Matupi, Kanpetlet, Peletwa, Paletwa, Mindat le Tedim tiang in an um dih ko. CNF chung ah siseh, CNA chung ah siseh an um dih ko hna. Falam lei zong tlawmpal an um ko. Chin miphun dihlak a kan huap i Chinram dothlennak a theipar a chuak kho tu ding le Vawlei pi nih a theih mi cu Chinram ah CNF lawng hi a um.

Hihi tha tein thei cang ulaw hriamtlai dang nan timi hna kong ah an lung i buai ter hlah uh. CNF ahhin lungrual tein thazang chauh ko hna usih. Chin miphun a simi ca poh ah CNA ah lut khawh oeng a si. CNF riantuannak ah i tel khawh peng a si.