Nizan ah Hakha le Thantlang karlak ah Kawl Ralhrang 100 lengkai an hmuh hna. Zei ruangah dah mah zatzat hi Thantlang leiah an rat hnga ti hi ruah lo awk a tha ti lo.
Nizan thiamthiam ah Thantlang in Khualhringtlang leiah Kawl Ralkap 50 leng kan hmuh than hna. Hi ralkap 50 leng ahhin an hnu lei in phu khat nih an van zulh than hna tiah kan teih i Nizan kha Hmunthar/Arcerh ah an riak tiah kan theih.
Tuni thiamthiam ah Vanzang tlang lei maw? Zahnak tlanglei ah Kawl Ralkap 100 kai an kal fawn tiah kan theih. Zei ruangah dah mah zatzat ralkap hi Thantlang pengah an rak luh hnga ti hi ruah lo awk a tha ti lo.
A fawinak kan chim ahcun Kawl Ralkap nih Vanzang khua an lonh bak ahcun meithal a puak ko lai ti a fiang. Vanzang tlang caah a tu hi thil fawi te a si ti lo. Cu lawng si loin Khualhring tlang leiah a kalmi zong hi, hmunthar in Tlangte lei an kal ahcun Ngatainu tlangah camp pakhat a um caah meithal puah ding lawng bak khi a tang cang. Cucaah
Atulio Vanzang tlang le Khualhringtlang cu thinlung sivang in an um ve ko lai. Zeizong vialte a tuah khotu Sertu Pathian sinah hi hna tlangpahnih le CNA ralkap le CDF caah thlacamnak in bawm cio hna u sih. Zeizong vialte tuah khotu sertu a nung Pathian a bia mi kan si. Bawipa nih kan ram damter ko seh.
Leave a Reply