Chin Ram Le Chin Miphun Caah Riantuan Naa Timh Ko Ah Cun!

Chin Miphun caah biatak tein rian ka tuan lai tiah cun Chin ram Lai khua hrimhrim ah um hmun kan khuar ding a si. Atu lio Chin Party a kan hruaitu hna zoh tikah kan lutlai pawl hi Rengkun (Yangon) deuh khua sa an si hna.

Cu tikah duh ningin thil a kal kho lo. Chin ram an rak tlung tikah Chin ram a rak um mi nih an sining le an cawlcang ning pakhat hmanh kan theih hna lo tikah zei tindah kan zumh khawh ve hna lai!

Chin ram caah rian ka tuan lai tiah cun Dr. Hmuh Thang bantuk in Chin ram laikhua ah um ve bak ding tiah ka ruah! Chin ram ah Head Office zong chih bak ding. Chin ram le chin Miphun caah ti au lengmang tung i, mah vial Chin ram um lo cu a hohmanh nih zumh khawh a si lai lo. Chin Miphun caah rian biatak tein kan tuan ko lai tiah cun Chin ram ah hmunhma khuar ding, Office zong chih ding, Lai Khuate he a herh ning poh in pehtlaihnak tuah peng ding! Cu ti kan tuah ahcun Chin ram Chin Mipi nih an kan zumh lai i, kan i timhmi ah hlawhtlinnak kan hmuh hrimhrim ko lai.