Chin Miphun kan pa le nih kan Miphun caah daihnak lam an kawl, Thisen chuahnak cun tiah Cabuai cungah an ti. Cabuai cung ral an doh lio ah Ralhrang Bawibik Min Aung Hlaing nih a nek taktak hna. Min Aung Hliang bia kha nan theih cio ko lai. An nih tham cu hriamtlai zong an si tung lo tiah a rak ti hna.
Nain kha tluk in a bia a fak lio ah Chin Miphun kapa le nih an rak leh duh lo. Zei catiah daihnak pei kan duh fom cu tiah dai tein an i ing. A sinain a tu ahcun Min Aung Hlaing nih daihnak cu a duh than hoi lo i, uknak a ting than.
Cabuai cung i, daihnak an rak tuahmi vialte kha zanmang bang an tlau dih i, Chin Miphun nih thlanti he kan hmuhmi phaisa kan thawhmi vialte cu a lakka ah an tlau viar ko hme cu. Cucu maw Lai pasaltha nih kan duh kun lai.
Tutan ahcun daihnak tuah than ding an kan sawm zongah an duh ti lo. Kan Chin ram ah kemah tein kan i uk lai i, kanmah tein khua kan khang cang lai. Tutan ah Min Aung Hlaing nih a rak kan nek tukmi kha a phi a hmuh ve cang lai.
Chin Miphun cu hriamtlai zong an si tung lo a timi kha, a tu ahcun Ralhrang nih CDF hmanh a tei ti lo. Mindat kal cu Kawl ralhrang caah Kachin ram kal bantuk a si cang. Tutan ah Kankaw lam le Khualhring tlangah ni nikhat ah Kawl Ralhrang 27 an van thih ko cu, Min Aung Hlaing hi a khuaruah a tam ve cang ko lai.
Chin Miphun hi, mi ralchia kan si ballo i zawnruahnak a ngeimi miphun kan si. A Sinain tutan ahcun Chin Miphun nih Min Aung Hlaing le A party pawl cu kan zawn ruah kho ti hna lai lo. Tutan ah CDF mino tete hna thinlung put zoh tikah khuaruahhar in thil a lang. Min Aung Hlaing Cozah kan doh lo ahcun hmailei kan lam a mui lai ti an ruah ah, lungthul an tim ti lo. Kan tei hlan lo kan doh lai ti si ko cang.. Kan pehthan lai!
Leave a Reply