Chin Ram Cu Kan Ram Chin Miphun Cu Kan Miphun, Chin Mi Nih Cun Chin Party Bak Vote Ding

By Zahung Mang

Chin ram ahcun Chin miphun myohne kip in Chin party hi me (vote) pe cio dih ko hna u 2020 thim nak ahhin cun.

2015 khacu NLD party nih cozah an ser ahcun 2008 phunram talmaw an thlen khawh tiah ruat chan nak he ramkip in rak ruat dih asi caah, zeibia le hla a hopoh rak tial asi lo.
Atu cu NLD party nih zeihmanh an tuah kho lo mi fiangte in nan hmuh/ kan hmuh dih cang caah Chin ram chung i thimnak zung poh ahcun Chin party te kha pe cio dih ko u.
Chin miphun hi miphun dang fial chukcho mi chung ah um duh ti hlah u.
Miphun dang sermi party tang i (Chiandeih a mei / Vice-President si nak in) Chin miphun ser mi Chin party tang i Uico alu si kha a let in a tha deuh i Chin miphun caah rumra (solemnity) a um deuh tuk.

NLD cu 2015 ah nan thim hna i Pu LianLuai ,Pu ZoBawi le Pu Sui Thio te hna nih Hakha nan inn le nan lo an saksam dih kha Chin miphun kip nih rak philh hlah u.

Chin party cu Chin miphun a huham (solemnity) a um tertu asi.

NLD cu fial chukcho mi long nan si ko lai.

Kawlram chung Pine le Ttan( State and Division) cozah vial te chung i 2015-2020 kar ah mipi a eihmual bikmi cozah cu Chin State cozah an si ti zong in kawlram news ah an tial phah hna kha mu, NLD cu mah tluk cu fir le mipi an in ei hmual hna kha philh hlah u.
Union cozah nih Chin State caah budget a pek mi a fir dih tu cu Chin State i NLD cozah le MP pawl ansi kha philh hrimhrim hlah u, Chin mipi hna.

2020 kawlram pumpi thim nak tuah an timh cang nak kong kan theih i a nai cang ka in Chin miphun nih kan i zoh thla ngaimi hna Dr. AyeAye Ngun Hakha hrin sor bak te le Saya Pu Tial Ling Cawngthia khua hrin hna nih NLD in Hakha Constituent (Hakha me zung) ah (State representative or Senator) ding in an i cuh lai ding cu Chin miphun caah zam an ram hrimhrim ko.

Minung hi zeibantuk an si zong ah a hnu bik goal target cu tangka le mahpumpak miak nak hi kawl cio asi nak cu kan Chin miphun mifim pa hnih Dr.AyeAye Ngun le Pu Tial Ling nih fiang te in an langh ter.

Pakhat in Dr.AyeAyeNgun Hakha hrinsor zik nih ramkhel a interest i Hakha Constituent in 2020 ah candidate aa vun tuah cu lawmh a um ngaingai.

Hakha kokek nih Hakha hrimhrim ah buang vun co kho sehlaw Hakha khi ti duhtawk in an hmuh khawh nak caah Timit vapi khi Hakha a pe ding in siam kho sehlaw lawmh a um tuk hnga.
Cu belte Hakha hrinsor kokek Chin ram khualipi fa nih khi midang ser cia mi le fial chikcho ding or an bia va tlin ter piak ding in NLD in aa candidate mi belte cu a puai maw hringhran ko.

Pu Henry VanThio kha candidate i tuah lo in Pu Bawi Khin nih a hmunhma a kianh caah a tling i, Daw Aungsan Suhkyi nih a nu a nunlio azaw lio ah Rev.Dr.RalBuai le a inn chungnu nih thla an rak cam piak tawn mi kha philh lo in dawt nak kha Pu Hery VanThio cung ah a vun fianter mi asi.
Daw Aungsansuhkyi cu miza tuk hringhran asi ko nain a cabinet pawl hrimhrim kha zero lawng te an si caah asi.

Chin party in i pe hna sehlaw anmah pumpak ca long si lo in Chin miphun pi an dirh kanh nak le Chin miphun le ram cung ah zawn ruatnak an ngeih mi a lian ngan tuk hnga.

Atu cu Kawl nih policy le aim and objective an ser cia mi tang ah va kun in an tang ah an bia va ngai le an policy implement va tlin ter piak tu an i thim i Chin miphun le Chin nunphung cu an hnu an chit ko cang .

Mifim timi hna zong hi eihmuar nak hmun hi an kawl cio ko cang. Chin miphun MP hna chung in aho dah Chin ram budget a ei hmuar kho bik hnga? Kha! Chin miphun pi hna rak zoh u! 2017-2019 kar ah Chin NLD (MP) upa hna nih Chin vawlei le ram asi mi Bungzung pi kawlpa Waluhkyaw an pek ko kha!

Chin mipi nih Chin ram a humhak tu ding ah nan thim mihna upa nih nanmah Chinmipi theihter nak tuah lo in, kawl minta mirum pa Waluhkyaw cu Bungzung ah ram anmah duh in an pek ko.
Kha bantuk in Chin mipi vialte ram asi mi humhak lo in kawlpa hna a vape ko mi MP hna nan thim than hna lai ding hi cu ngei achia ko. Apetu MP hna cu Pu SuiThio le Pu ZoBawi an si an ti ko hna kha!

Cucaah Chin mipi Chin ram i a ummi vial te hna Chin ram le Chin vawlei a zuartu MP maw thim than hawi hna lai ci!!!’ Miphun dang nih cun company maw zeimaw cu Chin ram chung ah an derh kho ko, sihmanhsehlaw State tax le myone tax hna pek lo in, a pelte hmanh hman terding cawk ter ding an si lo. An cawk hmanhah forever ca si loin, period le limit kum ser piak ding asi.

 422 total views,  1 views today

This function has been disabled for Chin 11 News.