Chin Ram Chungah COVID-19 Zawtnak Ngei Pakhat An Hmuh Chap

Chin ramkulh Tedim peng Kaptel khua ah Kum 58 nu pakhat sin in COVID-19 zawtnak rungrul an hmuh chap. Mah nu cu Kaptel khua i zawtnak hmuh hmasa bik mi Pa a nu a si tiah ka theih.

Kawlram chungah minung 23 sin ah an hmuh cang hna. Cu chungaj minung 3 an thi cang.Chin ram chungah Minung pahnih sin in zawtnak hmuh a si cang i a pakhatnak bik zawtnak ngei mi pa zing a ngandam lio te a si tiah kan theih.

Chin ramkulh chungah hi zawtnak rungrul hi a karh chin nak hnga lo ding caah mipi nih kan I ralrin taktak a herh cang mi a si. Vawlei cung hmun kip ah lock-down an tuah ve bantuk in Chin ramchug zong ah biatak tein lock-down hi tuah si ve sehlaw nawlngai lo mi zong fak piin dantat nak hi a um ah cun thil tha a si ko lai.

Nungak tlangal nih hmunkhat ah ramriah le tlawnlen zong hi um ti lo ah a tha. Kan I khamh khawh lo hnu ah sorry kan ti sual lo ding hi a biapi ngai mi a si. Hi zawtnak rungrul nih a phak mi hna a tamdeuh mi thihnak lawng hi ruahchan mi a si ko cang caah kan cung cio ah a phak lo nak hnga Pathian tunih kan veng cio ko seh.

Ref: The Chinland Post

 174 total views,  2 views today

This function has been disabled for Chin 11 News.