Chin Ram Chung Kum 6 Hngakchia Covid-19 Mizaw A Hnu Bik Thawngpang

Laknak: CCN

Kum 6 hngakchia nih Covid-19 a ngeih caah siizung ah an kalpi mi an hmantlak pawl zoh ah hin lungthin a nuam hrim lo. An hruk aih mi thil thuam nih zaangfah nak a hlawh khun. Zei bantuk zawtnak zong a si ko hmanh ah Pathian nih damnak tu pe than ko seh ti hi kan thlacam nak cu a si.

Covid-19 mizaw case-318 cu Tedim siizung ah ṭhial asi cang. Chin ramkulh Tedim siizung ah Covid-19 mizaw case-318 cu ṭha tein conghhramh ding caah Tonzang in July 10 chun ah khan Zomi mino cawlcanghnak bu motor in an rak thlah tiah theih asi.

Hi zawtnak hmuh mi case-318 cu Tedim siizung uktu Dr. Zaw Myint Naing, Siibawi thiamsang Dr. Aung Maw le ngandamnak lei ṭuanvo ngeitu pawl nih an don. Mizaw cu siizung rianṭuantu pawl umnak caah sakmi dothnih inn ah um ter in congh hramh asi lai tiah theih asi.

Covid-19 mizaw hi Tonzang peng Hai Cin khua mi asi i India ram in a rak tlung ka mi kum 6 hngakchia te asi. A hmanthlak zoh ah hin ngaih a chia duh khun ngai, kum 6 hngakchia te hringtu nu le pa nih an zohkhanh kho ve hnga maw ti hi ka ruat ngai.

Photo credit: The Tedim post

 

 137 total views,  1 views today

This function has been disabled for Chin 11 News.