Chin Ram Chung Ah Kum 9 Nu Hngakchia Pahnih Tleihhrem Nak Thawngpang

Sagaing ramthen, Kalaymyo pengkulh chung Hmunlai Thingunau khua ah Pu Lalhmuliana nih a nupi nih padang sinah faphir a rak ngeih mi hna kum 9 hngakchia pahnih cu a rak ihpi lengmang hna ruang ah nizan ah khan Kalay palek nih an tleih khawh cang tiah thawngthanh nak an tuah. Lalhmuliana (kum 32) nih hin a nupi nih a vapa hmasa sinah a rak ngeih mi faphir unau kum 9 hna hi 2019 kum lio khan a rak ihpi lengmang cang hna nain an rak tihtuk ruang ah an chim ngam bal lo.

Cun a nupi  umlo kar le riantuan nak a kal karlak ah hin an unau cun a tleihhrem lengmang tawn hna hi a si. Asinain vanchiat leiah vanthat nak kan ti ko lai ta july 14, 2020 ah khan a nupi nih cun a fa le pahnih cu a tleihhrem hna lio bak a rak hmuh hna ruang ah Kalay palek sinah thawngthanh nak a tuah zokzok ve hi a si.

A nupi nih palek sinah report nak a tuah tiah Lalhmuliana nih a theih le cangka in an inn in a chuak cawlh i a zam ve ko nain July 15, 2020 ah khan Khampat pawng ramthang ah Kalay palek nih cun an tleih khawh than hi a si. hi kong he pehtlai in Kalay palek nih an chim ning ah cun “Lalhmuliana hi a nupi nih palek sinah thawngthanh nak a tuah hna tiah a theih in an inn in a rak zam cawlh cang,asinain palek zong nih kan sikhawh chung in kan kawl ve caah july 15 ah khan kan tleih khawh than” tiah an chim ve.

Cun Lalhmuliana hi pawngkam le khuami hna nih an chim ve ning ah cun nu hngakchia tleihhrem le thah kong ah lunghrinh mi zong a si nain mithmuh kuttongh in tleih khawh mi kan ngeih rih lo caah kan ngiat cuahmah lio a si ve an ti. Lalhmuliana cu a nupi fa bak a si mi hna kum tlinglo tleihhrem case in pohmah 377 in a hmuh an phonh piak tiah theih a si.

Source: Chindwin Network, Myanmar Voice, Vapual Auaw

 167 total views,  1 views today

This function has been disabled for Chin 11 News.