Atu tan ka van langhtermi hi, minung tampi kan ruah ning le kan hmuh ning a khat hrimhrim lo. Cucu nang zeitindah na hmuhning le na ruah ning a si ve! Comment lei ah na ruahnak zong chin khawh rak i zuam ve.
Atutan kawlram buainak ahhin micheu khat nih Kawlrawn khuapi (Yangon, Mandalay,Tbk) hna i, ral an thawh ve lo ahcun kanmah Chin ram le tlangcung dang lawng ral kan thawh ahcun thih lohnak le harnak kan ton ning a fak tuk lai. Cucaah Hmunpi kawlrawn hna ral an thawh ahcun kan thawh ve ding a si. A thawh locun kan dai ve ding a si tiah a timi an tampi an um.
Cu kong he pehtlaiin Micheukhat nih cun hi tihin an chim ve. Kawlrawn cu kawlrawn a si ko. Kan ram kan vawlei cia ah an duhpoh in an kan tuahmi cu maw kan duh kun lai? Ziah kan ram le kan vawlei cia ah kan zohzoh sawhsawh hna lai i, kan doh bak hna ding a si tiah a timi an tampi ve.
Asinain atu kan dirhmun ahcun Kawlrawn ral an thawh lo zongah kan ram ahcun CDF/CNA i bawm in caan rem an hmuh poh ahcun an phomh cang hna i, hmun tamnawn ah kahdohnak a chuak cang i, harsatnak tete kan tonmi zong a tlawmte ti lo.
Cucaah nang na hmuhning zeitindah a si ve? Kawlrawn ral an thawh lawng ah maw? Ral kan thawh ve lai. Asi loah, Kan ram kan vawlei ahcun Kawl Ralhrang uknak cu kan doh bak ding a si tiah na hmuhning chim ve khawh a si. (Kawlrawn ral an thawh lawngah maw, ral kan thawh ve lai)
Leave a Reply