Chin Ram Ah Thawngpang Tha Tuk A Si Nain, Timhlamhnak Fekfuan Kan Ngei Maw?

Timhlamhnak Fekfuan Kan Ngei Maw! Hakha le Thantlang lei ah Palik le Meiphalh zung rianttuan tampi CDM an tuah cang. Thantlang khuapi lebang cu Palik le meiphalh zung rianttuan an um lo ti awk in a um. Mizapi ca lawmh awk ngai cu a si ko.

Amahbel ralkap lei hi an um sawh lai lo. Kawl palik/ralkap kha anmah zaka ah rak thalh khawhmi a si. Mi ttha an si lai maw, si lo kan hngal hna lo. Mi ttha an si ahcun lawmh a um tuk hnga. (an thlah lai, thlah lai lo cu a rauh hlan ah a fiang cawlh lai dah)

Cu caah mizapi nih timhlamhnak fekfuan kan ngeih pah cu a hau cang lai. Thihnak le tlaihkhihnak a um nak hnga lo hruaitu lei zong kan biapi ngai. Ralkap le palik dir-awnh i khatlei khatlei i doh ding phun tiang cu mizapi lei nih tuah a herh in ka hmu lo.

Mizapi himnak kha biapi ah kan chiah ah a ttha bik. (thih zong ah, thawng tlak zong ah a poi lo kan ti bel ahcun ruah awk ka thei ve lo) Cu caah Kawl lei an tuahser ning poh kha rak zulh ve si loin kanmah le hmunhma cio ah a ttha bik in khuakhan le lairel kha i timh deuh awk a si cang. Credit: Salai Thawngpi