Chin ram ah fawi tein kawl ralhrang hi kan tei hna lai tiah ka ruah ko. A ruang cu a tanglei ahhin upatmi Salai Bawi Lian Mang nih fiang tein a van tialmi zong ka van langhter chih.
Chin ram ah kan teinak ding a ruang pawl cu, lungput hi a si. Chin miphun kan lungput hi a tu lio ahcun tihnak pakhat te hmanh kan ngei ti hna lo. Kan tei hrimhrim hna lai tiah kan ruah dih caah, Lai meithal hmanh in a kenkip lo ah kan dohmi hna zoh tiah kan thinlungput nih a ngamh tuk hna ti lang.
Thinlung in kan ngamh hna lawng si loin hriamnam zong damh cuahmah a si cang. Atu ning cun hriamnam zong tampi an damh cang caah chin ram cun kan lungput nih a ngamh lawng si loin chin ram ven khawhnak ah a herhmi tete zong ramdang chin miphun cio nih an van thawhmi in an zalh cuahmah caah thinlung he hriamnam he kan doh hna ahcun fawi tein kan tei hna lai.
Salai Bawi Liang Mang nih a tialmi Hi relphu taktak si:- Raltuk Ral ituk tik ah a biapi bik mi hi zapi nih cun hriamnam ah an ruah tawn. Raltuk nak lei ah strategy a thiam taktak mi nih cun raltuk nak ah a biapi bik mi cu morale lungput le khuaruah ningasi an ti. Na ral kha morale lungput le khuaruah nak in na tei cia lo ah cun zei tluk hriamnak ttha na neih ko zong ah na tei lai lo ti asi..
Kan Chinram ah a rak lut mi ralhrang hna hi morale le lugnput in kan tei hmasa hna abiapi. Chin miphun hi cu kan tei bal hna lailo, cu caah cun kan mah kan pumpak him nnak tu kan kawl ah a ttha deuh ti an lung chung ah lut lak in kan tuah khawh hna a biapi.
Leave a Reply