Chin Ram Ah Chin Khuapi Hruaitu Hna Hi Zeibantuk Minung Ko Dah An Si Tawn Hnga?

By Zasang Cinzah

Chin ram ah Chin Khuapi hruaitu hna hi zeibantuk minung ko dah an si tawn hnga? Pi Van Dawt Hnem nih a zuarmi aithing/gingers vialte hnawmpung ah an hlawnh piak viarmi cu a mak ka ti. Mahbantuk hruaitu nihcun zeitindah kan khuapi cu an thangchoter khawh hnga i an dawhter khawh hnga. Khuapi/Municipal hruaitu si hi a sawhsawh a si lo dakaw.

Cozah iuknak system ahhin Khuapi/Municipal hi a dot 3nk a si i, khuami he nainiam in riantuantu an si caah an biapi taktak.

Hakha Khuapi/Municipal ihruainak kong hi “2008 phunghrampi, section 188” ah fiangte in a ttial i, State le Region pawl nih Khuami/Municipal caah bylaw/legislation an ser khawh tiah nawl a pek hna. Phundang in chim ahcun, Municipal/ Khuapi ihruainak phung cu Chin Pyine Hluttaw nih a duhning in a ser khawh tinak a si. Cucaah, Hakha Khuapi/Municipal uknak system le bylaw a tthatlo cu Chin State Hluttaw an san tlai lo bia a si.

Khuapi uktu Sipin/Mayor hi nitlak ram ahcun rengsang ngai ah an chiah hna. Zeicatiah, ram pakhat uknak ah a dot 3nk uktu an si. Mayor a ttuan balmi caahhin MP tlin hi a fawite. Asinain Lairam ah ahcun Sipin/Mayor a ttuan balmi cu mipi thinlung ah an khaa tak. An tuanbia a ttha lo. Khuami cungah dawtnak an ngei lo. Bylaw felfai an ngei lo. Zikhnawh le eihmur nih an mit a phen hna.

Cucaah, Khuapi/Municipal ihruainak bylaw cu Chin State Hluttaw ah a um ko caah, felfai tein an tuah a herh. Phung buar paoh cu “tickets” pek in “fine/dandat” awk an si ko. Asinain thil hrawh piak tbk cu an “bylaw” ah aa thial awk hrim a si lo.

 202 total views,  1 views today

This function has been disabled for Chin 11 News.