Chin Ralzam Pakhat Rul Cuk Nak Ruang Ah A Nunnak A Liam

Chin ramkulh chung Paletwa khuapi chung ah taang-5 a cawng lio mi kum 13 hngakchiapa pakhat cu tikholh nak khur pawng a um nak ah rul nih a rak cuk caah a nunnak a liam.

Rul cuk nakruang ah a nunnak a liam mi kum 13 hngakchiapa hi a min ah Mg Khin Myo Nain a si I Auh-Mea-let-Wa  khua in Paletwa myoh chung ah ralzam in a rak phan mi an si. Rul nih a cuk hi zinglei ah khan an umnak hmun pawng I ti khur ah a tlawnlen lio ah rul nih a rak cuk zong hi a si.

Rul cuk in a thi mi Mg Khin Myo Nain hringtu pa nih a chim mi cu “Kan khua taktak cu Auh-Mea-Let-Wa a si, AA le Tatmadaw kahdoh nak ruang ah kan chungkhar tein Paletwa khuapi chung sianginn ah ralzam in khua kan sak lio a si. Ka fapa hi nizan zinglei rawl kan ei deuh hlan teah khan ti khur pawng ah a tlawngleng I cu lio ah cun vanchiat nak ruang ah rul nih a rak cuk hi a si.

Rul nih a cuk nak zawn, rul siivai aumnak zawn zong cu a kaa in a rak dawp ko, inn a rak lawi ah hin an kan chim lo, a hawipa tu nih kan nu sinah a rak chimh I cu hnu ah siizung ah kan kal pi hi a si. Siizung kan phak hnu zongah siibawi te nih an si khaw chung in an I zuam ko nain a nunnak an chanh khawh ti lo caah nizan nazi 9: 50 ah khan anunnak a liam hi a si” tiah a chim.

Source: Khumi Media Group -ခူမီးမီဒီယာ

 106 total views,  1 views today

This function has been disabled for Chin 11 News.