Chin Ralzam Caah Hlathar Sa Dingin Benjamin, Yaw Kee, Esther, Phyu Phyu Le Solomon

Chin Christian Alliance (CCA) thithruai nak le tawlrel nak in Chin ramkhulh Paletwa pengah ralzam dirhmun in khua a sa mi hna Chin ralzam kan unau hna caah hlathar an tuah cuahmah lio a si i cu hlathar cu June thla chung hrimhrim ah hin mipi nih zoh khawh ding le hla ngaih khawh ding in an chuah khawh lai tiah theih a si.

Cu hla thar an chuah ding mi cu “War and Peace’ ti mi a si i hi hla hi John nih a tial mi a si. Hi hla a sa ding mi hna hi Myanmar ram huap in minthang hna le hlasak thiam ti mi hna minung 13 an itel hna lai. Hi hla sak nak ding ah hin Chin miphun dirhmun in minthang kan i ngeih mi hna le zohthla ngai mi hna pawl zong an i tel ve hna lai.

Cun Myanmar Idol Season 3 ah pakhatnak a rak hmu mi Phyo Myat Aung zong ai tel ve lai, cun Kawlram minthang Phyu Phyu Kyaw Thein zong ai tel ve rih lai.

Cun Chin miphun chung in minthang kan i ngeih mi hna Thuan Kham, Solomon MRH, Thawng Bawi, David Lai, Benjamin Sum, Yaw Kee, M Moe, Chaw Suh Khine, Jenevy Sui, Esther DCS, le Laldinthari zong an i tel hna lai tiah an langhter. Hi hna pawl nih hmunkhat ah hla an sak ding mi cu Chin miphun vialte nih kan i hngahhlang cio theu lai tiah an chim cio.

 200 total views,  1 views today

This function has been disabled for Chin 11 News.