Chin Ralkap Vialte A Fonh Mi CJDC Cu A Voi 5 Nak General Meeting An Tuah I Biachahnak An Tuah

Chinland Joint Defense Committee ii a voi (5) nak general meeting an lim ii biachah nak an ngei mi cu mipi sin ah theih ter nak an tuah .

2022 ,November 3 in 7 tiang Chinland Joint Defense Committee CJDC ii head quarter ah ni (5) chung general meeting tuah a si ii kuzale (30) le a zoh feltu minung (27) zapi minung (57) an kai kho ii meeting chung ii biachah nak an ngeih mi hna cu a tanglei bantuk in an langhter.

Chinland Joint defense committee cu mipi cung ah a lamkip in namneh nak a tuah tu ralhrang hna cu a hram in phawi khawh nak ding ,Miphun luat nak ding le Federal ram dik tak tak a chuah khawh nak ding caah a dang hriamtlai phu hna he ii bawm in ral a tu cuah mah mi phu kan si.

Cu tin ralhrang hna an hram phawi viar ding in kahdoh nak kan tuah cuahmah lio le ramkhel a buai nak cu can tha laa in rithaisii a phun phun le lungthin a thleng kho mi sii hna cu duh poh in a zuar mi nan um.Cu a si caah kan mah CJDC nih kan chinram chung ah zeibantuk rithai sii siamchuah le zuar cu kan phih.

Cu leng ah ralhrang rual hna nih an uk nak a hmunh khawh nak ding caah thim nak tuah ding kong ah forfial nak zong a tuah cuahmah.kan nih CJDC nih cun a zaleng ii tlukrual nak a um mi thim nak lawng kan cohlan caah ralhrang rual nih tuah ding mi thim nak cu kan cohlang hrim hrim lai lo ii cu tin ralhrang nih tuah a timh mi thim nak ah kan chin mipi hna ii tel ve lo ding in kan in forhfial hna.
A cung ii kan langhter mi hna cu zul lo in a buar mi hna cu phung ning tein dantat nak fak piin kan tuah lai tiah ,an thanh hi a si.

Relchap>>>>Zophei Community Of America (ZCA) Nih CDF-Zophei Motor Pa 2 An Cawk Piak Hna
=================

Zophei Community of America nih CDF-Zophei cu motor pa hnih an cawk piak hna tiah theih a si.
”CDF-Zophei kan Heros hna ca ah tiah tukum ZCA Tournament kan tuahnak ah rian áš­uantu nih Restaurant zuar in fund kan kawl piak hna i kan hmuh mi in motor pahnih a lo mi veve kan cawk piak mi hna a si.

An headquarter zong ah him tein an phak pi cang, Bawipa nih Motor le kan Heros hna zong umpi in kilveng zungzal ko hna seh,” tiah ZCA nih an Facebook page ah an tar.

Be the first to comment

Leave a Reply

Your email address will not be published.


*