Chin Ralkap Le Chin Mipi Daithlang Lo Tein Um I Zuam Cio Uh! SAC Ralhrang Vanlawng In Chinram An Bih lengmang Cang Hih!

Kha, kha, khaaa, Lai ralkap hna dai thlang lai u cii, vanlawng in an bih leng mang cang hna kha mu, ruah lo pi in voi le khat ah an kah kho mi hna a si kha mu…..
Mipi vialte zong dai tlang lai u ci, nan kom tang le nan inn tual, nan inn dil thlang hna ah emergency luh nak caah vawlei khor te i cawh cio u law….

Ral ram ah kan um i fim khur le ralring te in um lengmang hna u law….
Mi buu in i pumh khomh nak puai ti bantuk cu tuah rih hrim lo ding kan si hna kha mu….

Meilah le datmei, pazawngdan hna i chiah cia dih u law, ralring te in um hi a sual nak a um lo ee, caan chia le chan chia ah kan um cang ca ah.
A si khawh cun khual tlawng le loriak zong hrial rih ko hna u sih, chungkhar ah nu le ngakchia long in kal tak lengmang hna hlah u sih.Crd.. Liana Liana

Relchap>>>>>Ralhrang Nih CNA Camp Kah An Kan Timhg Cang I Kanmah CNA Ralkap Zong Ready In Kan Um Ko, An Duh Le Kan Phomh Hna Seh An Thei Lai tiah CNA Ralbawi Salai Htet Ni Nih A Chim

Chin ramkulh dirhmun hi buaktlak in kan zoh a si ahcun a hlan kum nak in tu kum hi kahdohnak a tlawm ko nain kahdohnak muisam thleng in hriamngan le vanlei kahdohnak pawl a tam tiah CNF biachimnak nawl a ngeitu Salai Htet Ni nih Khonumthung Burmese ah a chim.

“A hlan kum nak in Chin ramkulh ah kahdohnak a zor tiah chim khawh a si. Chin ramkulh thlanglei hi chaklei nak in kahdohnak a tlawm deuh. A hlan kum ahcun thlanglei chaklei in an rak kai i Matupi Byuha ah thazang tampi in an kai. Hakha byuha hi voikhat an rak kai. Tu kum ahcun cu bantuk dirhmun kha a si ti lo. Thlanglei deuh kha hmaithlak in an kai cang. Buaktlak in kan chim a si ahcun cuka hmun lei hi kahdohnak a zor. An mah lei thazang a der ruang ah a si kho men. Cun hriamngan kha an hman deuh cang.

A hramthok ahcun cu bantuk si lo in pe 20, 25 aa hlatnak in kan rak i kap. Atu cu cu bantuk dirhmun kha a phan kho ti lo. Hriamngan an hman deuh cang. Pau a chuah cang caah Jet Fighter hna an hman tawn. Cun ngiatlaitu vanlawng zong kan cung ah a zuang. Vanlawng a hman deuh chin khawh mi a si. Vawlei lei an thazang a der i si kho men tiah chim khawh a si” tiah Salai Htet Ni nih Khonumthung Burmese ah a chim.

SAC ngiathlaitu vanlawng pakhat cu CNF Headquarters, Victoria Camp, pawng ah November 2 ah a rak zuang. Cu vanlawng cu Kachin ram Hpakan peng Ananpa khua ah bom a thlak hnu in CNF Headquarters lei ah a zuan hi a si.
SAC ngiathlaitu vanlawng a zuan hnu in CNF Headquarters a si mi Camp Victoria cu kah ding in SAC nih an timtuahnak cu Social cung ah a thang.
Atulio chung Chin ramkulh ah SAC vanlawng a zuang pah lengmang i November 7 zong ah SAC ralkap nih Hakha-Thantlang karlak ah Vanlawng 2 in bom a rak thlak.

CNF biachimnak nawl a ngeitu Salai Htet Ni nih SAC hi vanlei kahdohnak a hman
“Kan Headquarters tiang vanlawng a rak phanh caah kanmah zong a ṭha bik in kan i timhtuah ve. An rat ahcun an kan kah ko lai. Asinain zeitin dah kanmah lei nih kan i runven khawh lai timi kha kan i timhtuah cia. Lairam ah vanlawng an hman ahcun a thi mi an tlawm ko. Vanlawng kan hman lai i tlangcung hriamtlai pawl a thi mi an tam lai ti mi cu a si kho lo. A ṭha bik in kan i timhtuah”.
Chin ramkulh ah kahdohnak a um peng rih i Hakha-Thantlang karlak Timit pawngkam zong ah kahdohnak a chuak rih.

Be the first to comment

Leave a Reply

Your email address will not be published.


*