Chin Politician Pawl Sinah Ruahnak Peknak

(1) Ram le miphun dawtnak cu tuahsernak in langter. Tuanbia tha ngei .

(2) Online video le chat ah caan peknak in Vote peknak nawl a ngeimi hna sinah caan pek deuh uh. Nan icuhnak area ah khuasa uh. Zeitik hmanh ah mikhual bantukin le puaisa bantukin mipi vote nan duh caan ah “ duah “ tiin va kal ta lo ding .

(3) Chin elite pawl asimi: mirum khuasa kho pawl, phungchim thiam pawl le degree sang pawl lungton khawh nakin zapizarang mipi lungton khawh izuam deuh uh. Zapizarang caah dir deuh uh .

(4)Pekchannak nun le sifak santlai lo cungah dawtnak le siahernak nganpi ngei uh .

(5) Nan ral tiang nih upat khawhmi nunzia le lungput ngei uh.

Catialtu: Salai Z T Lian

++++++++++++++++

 Mah zong hi relchap ko: “Fim Caan a cu cang”. Aung San nih kawlram Independent lak ding in ramkhel (politics) le dothlennak(revolution) a tuah lio ah khan kum 25 lawng arak si. Cun a thih ahkhan kum 32 lawng asi. Kawlram chung ram hruaitu pawl tar he tar lo he chuk le cho ah a rak thui dih hna. Mah lio ah khan Aung San na no tuk na hngakchia tuk e an rak ti ruam lo aruang cu afimthiamnak le asi ning an rak theihthiam piak ruang ah asi kho men. A cabinet pawl kha apa tluk lawng te an rak si ngawt.

Asinain Aung San na hngakchia tuk an ti bal ruam lo. Kan nih Chin mi tu cu ram le miphun kong ah na hngakchia tuk e na no tuk e tibantuk chim kan hmang. Kum 25 si hnu cun puitling(mature)an si cang ti hi tuni tiang kan pawm kho rih lo. Chin nunphung tradition thinking khi kan kal tak kho rih lo. Nupi le va nei kong lam ahcun kum 25 si hnu ahcun na tar tuk cang na tong ti lai lo cu e kha e ti kan hmang .

Atu lio chanthar mino pawl ramdang siangin kai mi nih Chin ram ramkhel rian ah an ni peih lo ahcun Kawlram chung ah asifak bik le a thangcho lo bik State hmaihngal ngang in laksawng chia kan hmu peng ko lai timi kan ruat tuk bal lem rua lo.Cu ruang ah ramdang siangin kai kan nau le cun NGO tbk ah riantuan mi le Mirang ca thiam cun ramdang mi he meeting kai lengmang mi secular kan nau le pawl khi ralkhelrian ah hmunhma kan pek hna ahcun Chinram zeitluk athancho hnga timi cu nangmah tein tuak ko awh.

Kawl cozah sin ah kum 30 chung riantuan hnu in pension lak ii tar hnu ah MP hmunhma duh in election a cuh mi kan putar pawl khi Chin State aiawh ding in MP an si ah cun kan Chin ram a thangcho ding le thangcho lo ding cu nangmah tein lai ngacar tuak in hei tuak ve phawt ko! “Fim can a cu cang”.

 176 total views,  1 views today

This function has been disabled for Chin 11 News.