Chinram ah SAC Ralhrang 165 an Thi i, CDF lei Minung 30 nih Nunnak an Pek ve Cang! April 24 in June 10 tiang ah Chinram chung kahdohnak ah SAC ralhrang 165 an thi cang i, CDF lei zong in minung 30 nih ram le miphun ca ah ralhrang do in nunnak an pek, tiah CDF nih an langhter.
SAC ralhrang ruang ah mi sawhsawh a nunnak a liammi minung 9 zong an um. Kahdohnak ah SAC lei in minung 123 hliamhma an keng i, CDF lei in minung 45 hliam an pu ve. SAC ralhrang hliamhma a pumi milu hi hinakhin an tam deuh kho, tiah CDF nih an chuahmi cazin ah an langhter. Credit:TCJ
Theih Chih Bak Dingmi:Nai teah Kawl Ralkap caan saupi a tuanmi pa he kan i chawn. A chimmi cu Kawl ralkap cu ngamh taktak in CDF/CNA nih rak do hna seh law, an tih colh hna lai. An i cerhro lawng a si. A taktak ahcun an ral a chia tuk tiah a ti/ Cun nan ruah ning bantuk an si lai lo. Minung zong an tam ti lo tiah a chimchap.
Cun a peh chapmi cu keimah zong ralram ah caan saupi ka um cang i, Ral ram ah kan tuah tawnmi cu, Chun ah map kan zoh i, zei kan tuah lo. A sinain map tha tein kan zoh hnu ahcun zing lei Suimilam 4 le 5 kar ah hin ral hi kan luh hnawh tawn hna/kan doh tawn tiah a chim.
Hi a chimmi hi a dik taktak. Nai te i, Kalay kan tonmi zong kha Zinglei suimilam 4 le 5 rak a rak si. Ralkap nih an i tinh bikmi cu Zinglei suimilam 4 le 5 kar hi ral tuknak caan ah an hman bikmi a si a ti.
Leave a Reply