Chin Party Cu Chin Ram Ah Hram An Bunh Awk A Si!

Nun thap in Chinram caah ramrian ka tuan lai ai timi nih cun Chinram ah khuasak hrimhrim a herh, Yangon hrawnghrang ah NGO bawmhnak bawh pah in khuasak i thimnak lai thla 3 aa duh ah parttime in thimnak vun luh khi sullam um bak lo (keimah telh in).

Chin ramri kan kilveng lai tiah aukhuan len tung i mah pumpak kha Kawlrawn ah nuam ngai in khuasak than zong khi sullam um hoi lo, ningzah awk deuh khi a si.

Chin party ai timi zong nih Chinram ah hram an bunh awk a si, Yangon hram bunhmi cu Kawl party tiah auh an hau ve lai. Credit: Salai Lungthli Tum

Relchih ding: Nai-chai-lo Miphun caah nun thaap dirmi kan si hi! Tutan thimnak ah Chin State kan faiceukulh chungah NLD party nih teinak an hmuhmi kan cohlan. Nan teinak kan in hrawmpi hna. (Hihi cu statement kan chuah te ko lai caah hivial in si ko seh).

Tutan ah phaisa in siseh, development bawmhnak in siseh, ralkap thihpheih in siseh, a phunphun in thleemnak le reemnak thlichia hraang ko hmanh seh miphun ah ihngir loin fekthup in a dirmi, alamkip in a cawlcangmi hna le vote petu Chin pasaltha nusaltha hna nan dihlak upatnak kan in pek hna.

Tutan ah thutdan cu a dihlak ti awk in kan sung nain Chin mino lungthin cu a dihlak ti awk in kan tei ve. MP thutdan nakin Chin mino thinlung laak khawh hi a mansung deuh. Chin mino hna miphun ah thangphawknak mei a kan kau piaktu kan Pathian min kan thangthat.

Cucaah— kan bia tawi ko seh—Sehtan sal in luatnak kum 100 Darkhing kan tum bang miphun luatnak (federal mahte-khuakhannak) DARKHING kan tum khawh hlan tiang hi miphun-thangphawknak mei hi mit hin ti hlah seh!

Chirh khat zong hnu pil kan itim lo. Voi 100 kan tluk zong le voi 101 kan tho lai. Luatnak lam dang a um lo. Kan biartunglet in hmai ah fong ko hna usih! Joshua hmaiah Bawipa a dir bang kan hmai ah Bawipa a dir ko. Kan tei hrimhrim te ko lai! Credit Salai Ceu Bik Thawng