Chin Party A Si Lomi Cu NCA Ah Bia An Chim Lo!

CNF Assistant Secretary-2 le chimnrelnak nawlngeitu Salai Htet Ni nih, “21st Panglong Conference ah USDP le NLD in a tlingmi Chin MP pawl hi an kai ve ko. Nain bia an chim lo ti tluk a si. NLD MP pakhat ka hal tikah, “Kannih cu kanmah tein chim khawh a si lo. Cunglei Centre an um caah a har ngai. Chim duh zong ah chim khawh a si lo” tiah a ka leh.

Cucaah, Chin party a si lomi MP pawl hi 100 ah 90 cu bia an chim lo tiah ka ruah. Kan Chin party chung in tlangcungmi aiawh asiloah pumpak in a rak kaimi pakhat hnih an u ve. An policy le an hmuhning hi kanmah he aa khat deuh. Bia zong an chim ngam deuh, tiah ka hmuhning a si”.

2008 Phunghrampi remhnak le rampi remdaihnak a suttung cu NCA lamthluan hi a si caah Chinram le Chin miphun aiawh in raltha te le zalongte in bia a chim kho lo dingmi_ zukdeu bang mi biachimmi kut lawng a benghpiaktu hna ding USDP le NLD cu tutan Chinram thimnak ah vote pe ti lo in Chin miphun aiawh in bia a chimtu ding le Chinram cozah le hluttaw ah raltha te le zalongte in bia a chim khotu ding CNLD party ah Chin mizapi nih kan mee bungh dih cio ding in upatnak he kaan sawm hna.

Hakha peng pyine hluttaw No.1 meekuang caah CNLD palai Pu Van Chan Ceu mee na kan pek cio naklai upatnak he kaan sawm hna. Credit : Van Chan Ceu