Chin Paraltha Hero, Kan Zoh Sawh Ko Ahcun, Kan Ram A Bi Chin Rih Lai

Minung kan umnak vawlei pi hi a kauh-abit amah ning peng asi ko nan, ziah kan ram, kan Chinram bel, a bi chin lengmang hnga. Chinram le Sagaing-Magwe ramri lei nan tlon poh ah, nan hmuh ton ko lai. Tlanghram aa thawk bak in, (ခ်င္းျပည္နယ္အစ၊ ခ်င္းျပည္နယ္မွ ၾကိဳဆုိပါ၏) tiah tar mi pawl. Kha catar-tung in tlangcung lei kha, Chinram asi tinak asi.

Kankaw, Mindat leh Kanpetlet lei cu, ramri catar (Sign board) pawl tlang tanttim ah an phan len cang. Hi Signboard pawl hi ke maw an ngei, ti awk tlak khin a um.

Ram le vawlei timi cu minung nih zohkhenh, humhak a hau. Zohkhenh tu le humhak tu angei lo mi vulei le Ram cu, aho ta paoh asi kho ko.

Chin miphun umnak Chin Ram Map kan zoh ahcun, Chin miphun kan um nak hi akau ngai. (Chinmi nih claim kho a si mi map ka thil chih). Achung ummi nih kan tlik-leek tak, kan humhak kho lo tikah, miphun dang kut ah an phan hluahmah. Atu ah cun, kan ram arak si ti hmanh kan chimh ngam ti lo. Atang i map nih a huap mi ramchung ah khua a rak sa hmasa cemmi cu Chin miphun kan si.

Kan pipu chan lio lawng asi lo. Atu zawngah, kan ton chuahmah ko. Kan ramri tung hi, kum khat hnu kumkhat tlangcung lei arak i thawn peng. Kanmah chan hmanh ah hi tin asi rih ahcun, kan te-fachin chan ah, Chinram tiah sawh ding hmanh an ngei ti te hnga maw!! Kan innpa pawl nih le, mi ram chut hmang mi lawngte an si fon.

Hi vawlei pi hi, akau hlei ti lai lo, Minung belte kan i chap chin lai ti cu afiang mi asi. Miphun pakhat asi mi nih cun, an ram an vulei, kut siapi tia te hmanh midang kut phanh ter an duh lo. Thisen le nunnak he an ven him. Cu tikah, Pawngkam nih an ttih, an vulei an tongh piak ngamh lo.

Kan ram, vulei le ramri kongah, Chin cozah lawng i bochan hlah usih. Kan cozah hi ralchiat cozah asi rih i, rinchanh a tlak hrimhrim lo. Achung ummi mipi (Chin mipi) kan i hlipthlau ahau. Ramri tung kan ven a hau. Aherh ahcun, thisen tiang kan neh ngamh ahau.

Miphun Thawnnak Tahfung

Kan CHIN miphun ralkap CNA paraltha hi thawnter chinchin usih law dirkamh zia zong thiam usih.a lamkip in bawmhchan le ttanpinak le thazaang pek hi duh usih an caah humhimnak zong hi pe usih.zei runagah Kan CHIN ram a kilveng tu pasaltha,nusaltha an si.. CHIN miphun le ram caah thi a ngamh mi paraltha an si.

Ram pakhat le miphun pakhat nih a thawnnak tahfung cu…

Ralkap le hriamnam, cun ralkap le mipi ttantinak hi an si.hihi vawlei pi nih tahfung ah a hmanmi thawnnak cu a si..

Cucaah Pathian nih a kan pekmi CHIN ram hi thawnter kan duh a si ahcun…

1.. CHIN ralkap CNA hi milu tamter a hau.a sullam cu mino nih tha pekin nu he pa he miphun ralkap luh a hau..Chin ram caah nun,Lu, hloh a siang/ ngam mi paraltha kan si hau…

2..Hriamnam thatha caah ramchung ramleng um mi CHIN miphun dihlak nih Ngunkhuai pek..

3.. Mipi nih miphun ralkap CNA paraltha hi ramchung he ramleng he CHIN mipi nih dirkamh in tha pek,ttanti,dirti, riantuan ti,

hihi miphun pakhat le ram pakhat nih a thawnnak tahfung cu a si.

Cucaah miphun dang ralkap an thawnnak kong lawng cu maw kan chim peng rih ko lai……………?

CHIN miphun nih kan tuah khawh ve lo maw………..?

Lungrualnak cu teinak a si ti pei Khrihfa Kan Baibal ah fiang taktak a um cu..?

Hi kan Baibal bia hi a tak in tuah usih.

A tak in tuan usih..A tak in tlinter usih..Lungrualnak cu teinak a si..Thawnnak cu lungrualnak a si.

CHIN Paraltha Hero

 125 total views,  1 views today

This function has been disabled for Chin 11 News.