Chin Miphun Pasal Tha Taktak Pakhat A Hong Chuak Than! Biatawi Chimnak Video He!

Ka Nau, kum 7 renglo Palek rian ah felfai tein na si khawh tawkte in rian na tuannak cungah upatnak kan pek. Kan Kawlram uknak tha lo ruangah na nupi le fa cawmnak ah na hmanmi na palek rian kaltak in Ralkap uknak that lo tangah riantuan duhlo in mipi leiah ttang dingin CDM luh ding naa thimmi cungah kan upat.

Zei hen na sual khi bang zan ih hmanh merem lo le rawl ei chungpil kho loin kumkhat tluk a si na fapa le na nupi tiin fingreicat arkhuang hlan in nan ruun inn le chungkhar kaltak in hmuhlo tluangdang nan kal ni cu na chungkhar kan celh hrim lo. Nain tu naa thimmi lam CDM hi har ko hmanhsehlaw teinak ngeitu Pathian nih a kan umpi lai i teinak thantar kan zar caan a phan zau te ko lai ka nau.

Kum khat tluk a si i na fapa Ceupi cu zeihmanh theih rih Hlah hmanhsehlaw a hung upat tikah mah tuanbia naa thimmi CDM kong na chimh te tikah upatnak an pek ve te lai zong ka zumh. Zu le va hmanh rawl loin a chiahlotu hna kan biak Pathian nan caah a tha bik in khua a khan te ko lai.

Har ko hmanhsehlaw tuanbia tha lam hman nan thimmi cungah upatnak kan pek hna i nan caah thlaza kan in campiak peng ko. Thennak cu ton thannak an ti bangin kan ram a that te tikah ton thannak um zau ko lai zong kan i ruahchanh.

Note: Ka naupa hi Palek a luh hlanah zudin in khua ah buai a hman pinah tihnung khi a rak si. Nain zeizong vialte tuah khotu Pathian nih Palek a luh in a cawnpiak i zudin, kunza ei le kuakzuk le thintawi le thinchiat vialte a kaltak kho i ka lawmh ngaimi nau a si. Nu le pa le u le Nau nih kan bochan i kan rinhchanh ngaimi a si.

Dinfel tein a um caah Thantlang ah Palek a tuan chung hi Palek Thantlang Myonehmu pa a mawtaw a mawnghpiak i thadam tein rian a tuanmi le an pu le zong nih an bochan i an rinhchanhnak kong tete an ka chimh ah hin kaa lunghmui ngai tawn.

CDM a luh lai ah ka u mah tluk uknak chiami ka miphun hawi le Kawlram mi nih duhlonak an langhter lioah thlahlawh ka hmuh ko tiin dai tein ka um sawh hi ka siarem lo a ka ti i nangmah dih thim si ko ka ti cangka in CDM kaa thim hau ko a ka ti tikah kaa lawmh nain na nupi le na fapa zeitin na cawm hna lai ti ka chim lo nain ka ruat colh. Nain an khuasaknak kong nakin Kawlram buainak kongah a lung um deuh ti ka theih caah ka thlauh lo i aa thimmi cungah upatnak ka pek. Credit: Salai Pathawng  Video Click