Chin Miphun Nih Kawl Uknak That Lo Ruangah Harnak Kan Ton Hi Philh Awk Tha Lo

By December Vandawtlian Hc

Chin miphun nih Kawl uknak that lo ruangah harnak kan ton hi ruahpah hin tiah lawng a chuak ko. Kan mah tein i uk nak zalawnnak rian ah lungrual kan herh ko!

Kawl Ram ralkap Uk nak that lo ruangah kan miphun tampi cu Kuli Phawrh le ralkap hrem tamtuk ruangah ramchung ah ngam kho ti loin paw Cawmnak le chungkhar zohkhenh nak ruatin thih le nun ruat loin ramleng ah kan phok chuak cio hna. Chin mi tampi kan far le cu poisa kut In Zei harnak dah an tuar ti kan hngal cawk hna lo. Micheu cu an thih le nun kan hngalh hna lo zeibantuk hmunhma ah dah an zuarhna zawng theih an si lo. Thailand ah ngahtleihnak ah zuar mi an um hna , Nuu zuarnak misual kut ah zuar mi zawng an um theu hna ti a si. An duh zawng duh lo zawngah an nunnak a himnak dingah cun e um ti an herh ko lai mu ! Ti khi ka ruat.

Hitluk I Kawl uknak that theipar nih a kan nenghcang si kaw, Zei caan dah Kawl he khuasak ti kan herh peng rih hnga? Kawl ralkap uknak that lo ruangah kan Ram hrem tuarnak le a sifahnak ruangah theipar that lo kan zun mi hna hi ruat ah cun Chin mi kan mah tein zalawng tein khuasak dingah cawlcang nak ngeih hi ngawl awk a tha bak lo mi a si.

Kawl hnu zulh peng i timh lengmang ding a si ti lo. Kan mah tein khuakhan lai rel nak le kan mah tein Cozah ser chuak nak ngeih kan her tuk. Cozah sernak dingah le Chin ralkap thawnter nak caah kan ngeihchia, kan thazang ruahnak cio chuah in kan miphun caah ngunkhawi pek hi ka I zuam I kan ttang a herh tuk cang. Chin state Cozah thawnter nak caah Kawl bawmhnak pek mi lawnglawng orh peng loin ramchung ramleng kan miphun kip nih zeitin lam in dah ngunkhawi pek cio nakding lam kan pa le nih khua kan ruah pi hna seh law tha tuk hnga.

Kan ram kan miphun caah kan mah thazang bakin kan state Cozah thawnter le kan ralkap thawnter khawhnak caah kan mah tein ngunkhawi pek mi kan ngeih lo poh cun miphun dang kut tangah fial chukcho mi Sal bantuk kan si zungzal ko lai.

Chin state Cozah thawnter nak caah kawl bawmhnak lawng hal peng le Su G sin dawtnak lawng bawh nak nih kan miphun a fek ter kho lai lo. Kan mah hrimhrim Cozah bawmhnak lawng a orh mi si loin kan Cozah a thawnnak ding ngunkhawi pek a thawngmi si kan herh tuk . Chin state Cozah caah ngunkhawi mipi nih an pek khawhnak ding zawngah cozah nih kan Ram chungah company’s tampi serchuak a her tuk fawn. A tamhal tuk cangmi le Arawk tuk cangmi kan Ram hi a seh in seh leng mang le a thi chuak lengmang ti hlah u si. Tungdir than cang u si.

 179 total views,  1 views today

This function has been disabled for Chin 11 News.