Chin Miphun Kan Ral Cu Mipi Harnak A Petu Poh Hi An Si

Chin miphun tampi nih Chin miphun kan ral hi fiangte in kan thei rua lo. kan miphun ca ah ral a si mi kan I fian lo ahcun kan miphun a him bal lai lo. raltuk thiam lawng in a za lo, mizei dah kan ral a si ti hngalh khawh hi a biapi. kan ral le ral a si lo kan thleidan khawh loahcun lohma kan dawmh tik ah I palh sual a fawi. zeithil kan tuah lai poh ah a pakahtnak cu hngalh le theih hi a biapi. cu hnu ah thiamnak le ralthatnak nih a zulh ding a si.

Tutan ah AA Hriamtlai le ralkap kahdohnak kong ah mipi kan ruahnak aa dang ngai hna. cheu kaht nih AA hi Chin miphun kan ral an si lo, dothlenak a tuah veve mi kan si, ralkap hi kan ral taktak cu a si tiah a ti mi kan tam. cu bantuk in cheu kaht nih AA hi Chin miphun kan ral a si ve cang tiah an ti ve.

Chin Miphun kan ral taktak cu zeidah a si? a tawinak in chim ahcun “Chin mipi harnak a petu poh cu Chin miphun kan ral an si ko” tihi a si. mah lai kaht si zong ah kawlpa le kawlnu an si ah, Tlangcung Hriamtlai phu le hawi kawm an si ah kan miphun harnak a petu poh cu Chin Miphun kan ral an si ko.

Chin miphun kan hramtlai hna nih dothlenank an tuah ruang I mipi harnak kan ton mi cu tonphu an si ko. asinain Miphun dang nih a mahram dothlenank a tuah ruang ah miphun dang caah harnak a chuahter ahcun kan ral thiamthiam a si ko.

AA hi tlangucng Hriamtlai phu pakhat an si caah doh awk an tha lo kan ti. ruah awk a um ve mi cu, Chin miphun zeite ah aa kan rel lo mi hi I fahsak lo awk a tha lo. zei aa kan rel lonak a langhnak cu, Chin Miphun kan hriamtlai hna nih nawlnak le cathanh an chuah mi an zulh duh lo mi cu zeirel lo bak a si. Chin Ramkulh Hakha hrambunh CHRO zong nih AA zong hi ralkap tluk in nuhrin covo a buar tiah an fehter cang. an chim mi zeite ah an rel piak hna lo.
Chin Miphun tlaih le hro an tuah mi, naite ah hartong han tirawl an tlaih mi ti bantuk hna hi mizei rel lo taktak a si.

Khah ralkap alawng hi kan ral cu a si ne? ral kan ti mi hi khoi poh in a ra kho mi an si. David Siangpahrang pa a ral hi Philistine ralkap lawng an si lo. a fapa Absalon sin hmanh in ralchanhnak a chuak. chim duh mi cu Tlangucng hriamtlai ciocio kan si, ral kan si lo ti hi fawituk in chim lo ding. ral kan si le si lo hi kan bia in tahfung hman lo ding, kan tuahsernak in biachah ding a si.

Dohthlenank an tuah ruang ah hartong mi hna khua le mipi sin ah nawlnak le bawmh chanhnak antuah ve colh ding a si. ui le ar thi bang kaltak ding an si lo. 2020 thimnak a nai cang caah ramchung buainak hi pehzulh tuk ding asi lo. ramchung buainak ruang ah thimnak resulh hi ningcang loin thil a cang kho I mipi nih kan duh herh mi zauk phung hmuhnak lam caan a sau kho mi a si.

Atu ah AA le ralkap kah doh ruang ah mipi a bubu in an zam sikaw atu lio zawtnak tih ruang ah mibu vialte hmanh abu in I hawi kawmh lo dingin kham kan si. Atu bantuk mipi har ruang le abubu zam ruang ah chin ram ah atu lio zawtnak a chuak kho mi a si. hi zong hi kan ral a si cu mu. chim duh mi cu Kan ral taktak cu mipi harnak pe tu hi an si.

Catialtu: Rolian

 241 total views,  1 views today

This function has been disabled for Chin 11 News.