Chin Miphun Hi Tlangcung Miphun Dang Hna Lakah Leirawi Tu Kan Si Sual Lai Maw

Tlangcung mi dang pawl hna cu 2021 kum ah khin 2008 phunghram pi rem khawh nak ding caah tiin anmah le an state cio in mifim le bochan mi pawl hna cu sullam ngei tein an miphun caah raldoh ding in timhtuah nak an ngeih pi cio dih cang hna.

Tlangcung mi hna nih kanmah tein khuakhan lairel nak hi kan duh cio mi a si I Kawl party he kawp lo ding hi kan duh cio mi zong a si. A tu ah thimnak kan naih ziahmah cang I miphun sersiam nak ding ah lungthin ruahnak le thazaang hman caan a si cang. A ralai mi thimnak ah zeitin tal in kan miphun hi kan sersiam kho lai maw? kan miphun caah zei bantuk thancho nak dah ka chuah pi lai tiin kan hawikom tlangcung mi dang hna cu an miphun caah an ttang cio hna

Hi tluk in a biapi mi hmun le caan chung ah hin zeibantuk tlangcung mi party dang hna nih NLD ah vote thlak a herh ko tiah a chim mi pakhat zong an um lo. Anmah le an miphun party cio ah fek tein dir I miphun thancho nak riantuan khawh nak ding ah thazaang le fimnak hman an I tim hna.

Cu lak ah cun kan nih Chin miphun hna cu miphun party kan ngei ve ko nain 100% bakin NLD party ah dir in miphun party leirawl nak le that lonak a chim mi hi kan tamtuk rih, kan miphun chung ah lungrual nak aum kho rih lo, pakhat le pakhat soisel le dohnak in kan caan le kan fimnak a liam dih lai hi a pam tuk lo maw? miphun thancho nak caah kan fimthiam nak le kan thazaang hi hmang cang hna usih.

Aralai mi 2021 ah Chin miphun ai-awh in NLD party in 2008 phunghram siamremh nak ding kong raldoh ding ah a ho dah a kal te lai “Pu Lian Luai maw a kal te ne lai, asiloah Pu Zo Bawi maw? a siloah Pu Sui Thio maw miphun ai-awh in Kawl party chungtel cu kan thlah ne lai.

NLD kawl party tei khawh nak ding ah tlangcung mi vialte nih lungkhat lungrual in kan um lio caan ah ramkhel kong ah theih hngalh nak tlawmtuk a ngei rih mi hna Chin miphun hi tlangcung mi kan unau sinah leirawl tu kan si ko kun lai maw?

Chin miphun nih voihnih nak tiang nganfah kan tuar lo nak hnga ding ah kan thluak hi khal tuk ti hlah seh, kan unau tlangcung miphun dang hna nih an hmuh khawh mi cu kan hmuh khawh ve ding hi a caan za cang lo maw?

Credit: Chin Nation’s Hero 

 143 total views,  1 views today

This function has been disabled for Chin 11 News.