Chin Mino Hna Sin Biacah : Salai Lairamthang, 88 Generation!

Chin mino hna ralkap cozah dohnak caan tha nan ngeih hi nan iuar ding a si. Raltha tein hmai nawr khawh i zuam chih uh. Dothlennak nih pasaltha le nusaltha a hrin tawn hna. kan miphun chung in bochan thlak pasaltha le nusaltha nan chuak lai. Chin mino hna le sianghleirun siangakchia hna nih mah dothlennak hi hmaisuang in nawl hram uh. A dihdongh tiang ngol loin pehzulh khawh izuam uh, nanmah chan i cozah nan thlen khawh ahcun hmailei fanau hna le techinfapar, [ next generation ] hna nih a theipar an zuun lai.

Nan ule chan ah kan si khawh tawk kan i zuam, thisen tampi, nunnak tampi, hremnak le temturanak phun tampi kan tuar nain kan hlawh a tling kho lo, nanmah chan ah kan hlawhtling hram seh. Kanmah chan i kan hlawh tlin lo caah nanmah chan ah nan tuar, nanmah chan i nan hlawhtlin lo ahcun nan naule, nan fale chan nih an tuar te lai. Ram ca le miphun caah tuanbia dawh tial khawh izuam hram uh. Chin mino hna upatnak le bochannak tampi he, Credit: Salai Lairamthang, 88 Generation!

Salai Tial Hram Ling Nih A Tialmi Relchih Ding: Tutan Kawlram Kongah Cozah Riantuantu Nih Theih Herh Taktakmi!: Cozah Rian Nuar A Biapi Tuk! Ralkap Cozah nih uknak tungtlang pathum ningin an lak tikah cozah rian cu an kutcung ah a um dih. Cu ca ah hi cozah a rian a tlak (fail) nakhnga zungkai i sum ta ko sawh. Tutan lawng hi ralkap thlaknak ca ah mipi kan i fun bik lio a si. Kan chan ah uknak lak um ti hlah seh ti kan duh. Cu ca ah thaizing cun na zungrian te kha hun chia ta ko. Na fale le na techin ca ah biakhiak tu a si kho.

CDC/CDM lawnglawng hi ruahchan ngam taktak mi le hmual a ngei taktak mi a si. Cozah rian a tlai lomi paoh lam ah kan chuak ko hih. Tarno thlulo in. Hi lio ah Laimi kan patar pawl, todan lawng a ngiami hna hi kan tei tikah tuanbia nih a kutdong in a sawh te hna lai. An chungkhat nih rak thlauh hram ko hna uh. Kan rampi ningin thlankhur tlang ah kan dir lio, nai palhnak pakhat nih khur a kan tlakpi ahcun chuah ṭhan ti mi cu minung chankhat a rau tawn ko khah. I ṭangrual hna usih. Ralkap uknak tla ko seh.