Chin Mino, Hakha, Thantlang Le Falam Mino Pawl Chuak Uh! Chinram Siibawi Pawl Hi Alem Tuk Cang Hna

Hakha mino Thantlang mino Falam mino Tho cang uh,Kan chin ram ii Sii bawi te Nurse tiang ralrin pek ding in lam kan zawh piak uh A bik in သန်ရှင်းရေးtiang an i uah ii chawnh phun an si ti lo,Sii bawi le nurse that lo ruang ah,Mi nun nak pa zei zah dah a liam cang,Sifak mi hna nih Sizung kan panh ah Tinghra ting kul kan dih zei huaha tuah lo ah,Ol ten sizung panh kho nak le Fel ten mizaw zoh kho nak hnga le Ih nak tha thilri tha kan ngeih kho nak hnga Tol kan rel piak cang uh law zoh sawh ding a si ti lo ee kan sizung pi le kan si bawi te hi.

Ka chim mi hi zei hua ha ah nan rel lo ii nan zoh sawh hna rih a si ah cun zoh te uh,Kan chin ram hi zik nawh nak le hrokhrol tangka duh nak in a khat dih te lai ii kan tah len zong ah san a tlai te lai lo. Catialtu: Rs Ly Dawt

Atanglei ah kan langhter mi ruang ah Hakha, Thantlang le Falam mino hi sawmnak an tuah mi a si.

Hakha Sibawipa A Rian In Chuak Seh!

“Chinram khualipi Hakha sizung le sibawi, nurse pawl kan dirhmun hi zeitindah nan hmuh cio ning asi hnga”.

15 Nov,2020 Zarhpini chun ah ka fapa Chin Christian University(CCU) ah BA E kum khatnak kai lio mi vanchiat ah Cycle accident a tong sual,Lungfim loin a um ,Pathian mi hna le hawikom unau hna nih rianrang in Sizung an tlik pi colh 2pm hrawng ah asi.

A thaizing nikhat ni ,nihnih ni tiang Sibawi sang Ruhlei le Adangdang Sibawi pi nih an zoh lo. CT scan voihnih an thlakter, Ultrasound le X-ray chim lo in Phaisa tu cu ceilakte kan dih manh nithum chung ah.

A result cu Paraku(ruh sibawi tel in ) te nih an zoh hnuah kan in chimhte hna lai tiah duty sibawi te le nurse te nih an ti hna.

Cawnnithum ni tiang zeihmanh a um lo. Ka fapa zong a lung a fim kho hlei lo. Cucaah Rangoon lei ah rianrang in kalpi ko kan duh ko tiah duty pawl cu chimh an si nain kanmah nawl asi lo an zoh hnuah zeitin dek an ti te lai tiah an ti than, an kan check bal lo tikah vansang in kan um.

NURSE pakhat (a min cu aherh cun ka chim te lai)nih Sibawipi hi leng hna uh nan len hna lo cun an in zoh hna lai lo Rangoon lei kalpi nan duh asi zong ah chimh a hauh caah TINGKHAT in leng uh tiah a van kan ti. Tingkhat cu kan ngei lo THONG 70 tel in si kho hnga maw tiah ceih cum asi. Len lo awk a that ti lo caah Sibawi pi cu CABAWM te he kan va ton.

A thaizing ah a check colh. A hnawng ruh ai kaam,a kha ruh a pelh an ti chel,a kiak an ti chel a tha than ko an ti chel,a lungfim lomi le zeidang hi cu kan hngal kho bak lo CT scan le X-ray le Ultrasound zong kan check dih ko an ti.

Ka fapa cu Zarhthum chung um hau lai an ti,Phaisa kawlnak ah hman an kan timh cang caah kan duh ti lo i inn ah tinpi asi.

Rangoon lei panh ding in Hope Blood donation kan chonh hna, Member asi lo mi cu Ting 7, Member asi mi cu Ting6 ti asi tik ah phaisa lei harsat ruang ah kan hlang kho lo.

Bawipa nih a mi hna mualpho in a chia bal lotu asinak le a tlai bal lomi Pathian a sinak cu afa le caah a caante ah bawmtu a run kan thlahpiak Rangoon tiang An ttafar a uu nu he 4Dec,2020 cawnningan ni ah RGN lei kalpi asi.

Rangoon ah an check colh tikah ka fapa te cu a thluak thahri pa 6nak a cat, a kharuh a hliah cang hmunkhat a kiak, hmunkhat a pelh,a hnawng ruh ai merh an ti.

Result kan vun theih cun kkhatlei kam ah kan i lawm tuk. Ka fapate hi a nunnak hmanh Hakha sizung khan a rak dih ding asi ko nain BAWIPA nih adawt tuk, amah lawng asi lo Bawipa vel kan chungkhar in kan co caah anunnak a humhimpiaktu kan Pathian asi..

Rangoon Sibawite nih zeiruang dah Hakha ah hin operation an tuah lo an ti, an khuaruahhar tuk mah bantuk mizaw emergency in sizung phan ko mi cu an ti. Mizaw damh le mi nunnak chanh hi Hakha sizung nih ai rak tinh mi asi rua lo. Mizaw sin in phaisa kawltu hi an rak i tinhmi asi ko rua hi ta tia khua ka ruat.

Hawidawt hna Ka fapa ca lawng si loin Hakha le Thantlang Sizung le sibawi,Nurse te caah thlazacampiak rih ko hna usih mu.

A khongdeng sualtu zong Bawipa min in kan ngaihthiam khawh. Police le PK nih sizung tiang an ra, case kan in serpiak hna lai an ti ,Kan dam hi biapi si ko sehlaw Bawipa nih ka fapa damnak pe ko seh, kan ngaihthiam ko lai kanmah nih cun case kan ser lai lo tiah kan ti hna.. Caan rauh hlan ah ka fapa te A thluak thahri,a kha ruh opration tuah ding asi caah thlacam nak he kan bawm rih cio ko uh law…

____ John F Thawng______