CHIN MILLIONNAIRE TI AN PHU

(A dih tiang rel hrimhrim)

China ram Wuhan khua in ai sem i vawleicung pumpi a kan buaiter viartu Coronavirus (COVID-19) zawtnak kham/do nak caah US mirum (billionaires) pawl nih an ngeihmi phaisa tampi an hlut tiah media nih an ṭialmi hmuh a si. COVID-19 donak ca i phaisa tamcem a hlumi US mirum hna cu mizei dah an si zoh tuah hna usih.

1. Amozon CEO Jeff Bezos:

Jeff Bezos hi vawleicung mirum cem a si i a ngeihmi phaisa $140 billion (Ref: Chinadaily.com.cn) chung in Coronavirus donak caah $100 million a hlut. # $1 Billion cu $1000 million a si i $140 billion cu $140,000 million ti nak si. Lai tuak i tuak ahcun ting $140 a ngei i COVID-19 donak caah $100 a hlut ti nak si. A ngeihmi zat tuah ahcun 0.04% te hi a hlut tinak si i a tlawm ngai tipiak fawi ngai ding in a um. A tamtuk ko.

2.  Bill Gate le Melina

Microsoft CEO hlun, Gate’s Foundation ngeitu Bill Gate hi vawleicung mirum cem changtu a si ve i $113.1 billion a ngeihmi chung in Coronavirus danak caah 100 million a hlut ve. An phaisa ngeihmi zat tuah in cun Jeff Bezos naak in tamdeuh a hlut ti khawh si.

3. Twitter CEO Jack Dorsey:

Jack Dorsey hi billionaire cu a si ve nain a ngeihmi phaisa hi $3.89 billion lawng a si. Bezos le Gate nih ngeihmi he cun ai thlau dom. Nain, Coronavirus danak caah a hlutmi hi $1 billion bak a si i a ngeihmi dihlak chung in 28% renglo a hlut tinak si. Hlut lei ah cun Amazon CEO le Gate’s Foundation naak in a let tamtuk in a hlut khawh.

4. CHIN CEO JAME NULEPA

Jame nulepa hi New York pawng Syracuse i a ummi an si. Jame pa hi Matupi pengmi a si. Jame nu hi Senthang peng Bungtuah khua a si. Syracuse ah zei rian dah an ṭuan ti kan hlat kho deuh rih lo nain Pathian thluachuah a dongmi chungkhar cu an si hrim lai ti zumh a si.

Aho nih chimh chom le hal chom hau lo tein anmah lungtho te bak in dah kaw ram le miphun ca i rian a ṭuanmi hna CNF/A pawl caah bawmhnak pek ve kan duh ko e tiah The Chin Voice ngeitu an chimh i $1000 bak an van pek colh ve.

Jeff Bezos le Bill Gate nih Coronavirus donak ca i $100 million veve an hlutmi naak in Jack Darsey le Jame nulepa nih Coronavirus le CNF/A ca i an hlutmi hi a let in a tam deuh. Cucaah, Jame nulepa hi CHIN MILLIONNAIRE ah chiah phu an si. Pathian nih Chin Millionnaire ah kan serpiak sawh hna seh.

Hi cabia/post hi JAME NULEPA nih Miphun le Ram an dawt ning upat peknak can ah ṭial hnawhchanmi a si.

Source: The Chin Voice

 90 total views,  1 views today

This function has been disabled for Chin 11 News.