Chin mi nih mifim cathiam le rattha takmi MP kan herh!

A lenglei hmanthlak cu fianternak ca i chiahmi a si.

Chin mi nih mifim cathiam le ralttha takmi MP ttha taktak kan herhnak

1. Kan Chin ca le holh ttha te in cawn khawhnak nawl kan herh.

2. Kan Chin ca le holh te in fim cawn khawhnak ( Kanan, Histries, Physics, Biology,
Geography tibantuk ) nawl herh.

3. Kan nunphung vialte chanhe aa tlaak ning in zulh awk phung ser kan herh.

4. Kan biaknak lei ah hmuh tinvo ding tamtuk chimrel a herh ( A niam bik in biakinn le kan Pastor te nih ngeihmi Mawttaw laisen hna le gate
fees te hna Buddhist bantuk in luat khawhnak )

5. Nu le Pa roconak kong ah siseh miphun dang he i tthitumhnak kong le roconak kong ah si seh Law ser kan herh tuk. ( Buddhist bantuk in )

6. Mirang nih ramri ttha te in an rak tuah dih komi kan ramri an kan det i Kalay lei ah Gangaw lei ah an kan chuh mi vialte hal tthan dih kan herh.

7. Chan he aatlaak deuh tilomi kan Chin criminal procedures hna tampi remh kan herh.
8. 1948 Chin Acts le procedures hna zong tampi remh le thar chuah kan herh.

9. Kan thingram le vawlei hmannak kong zong ah a hlan Chin Acts rak ngeihmi zulh in mah te nih nawl ngeih khawhnak chim rel khawh kan herh tuk hringhran.

10.Ram dang in a lam kip in an kan bawm duhmi hna an um i an kan bomh khawhnak hnga chim rel kan herh tuk.

11.Kan Chin ram chung khua za ramkip ah Acozah rian ttuan tu ding ah kanmah Chinmi te kan si khawh dih nak hnga chim rel kan herh.

12.A dang nuncan khuasak tituknak, i uknak, chunh thahnak, fim cawnnak, ngandamnak, lothlawh thingphorhnak le huncho nak vialte chimrel awktamtuk kan herh.

Cu ca ah mifim ca thiammi le a ral a ttha taktakmi kan herh ko.

 136 total views,  1 views today

This function has been disabled for Chin 11 News.