Chin Mi Kan Unau” Bawm” Miphun Kong Lam, Tu Lio Cu Kan Miphun Si Ve Mi Hna Kan Hlam Caan Si Ve Cang

Chin mi kan Unau” Bawm” Miphun kong lam, tu lio cu kan Miphun si ve mi hna kan hlam caan si ve cang, Thei zong kan herh mi si.

“Bawm” mi phun hi Chittagong Hill Tracts chung i District pahnihBandarban le Rangamati ah an um, Bandarban ah hin an tam deuh. Chiitagong Hill Tract ah hin miphun teng 12, Chakma, Marma, Tripura, Maru, Tanchanhya, ”Bawm”, Chak, Khumi, Pangkhua, Khyang le Lushai timi an um i an nunphung ai dang cio. An dihlak in Chin/Lai miphun phuntang an si. Hi lak ah ”Bawm” hi milu atam bik an si. Chittagong Hill Tract ah an rak luh hi theih khawh a si lo.

“Bawm” a hrampi cu ”Lai” hi asi.”Bawm” le Lai kan i thennak hi Kum 500/600 arau cang nain nihin ni tiang ah hin kan holh hmanning aa khat mi a tampi rih. Tahchunnak ah ”Lai” tah puan ,Lai Kawr, Lai Lupawng, Lai Dar, Lai Fei ” ti hna hi an si.

“Bawm” hi a hlan tein holh cu an rak ngei cang. Asinain an cahholh hi cu 1952 ah Mr.L.Dolian nih Primary ah ”Bawm” ca cawn ding in a tuah hnu lawng khan a thangcho ti khawh si. Myanmar ah a ummi Chin (Lai) mi le ”Bawm” hi kan zatlang nun le holh ah 75% hrawng kan i khat/lo. 1918 ah kum ah Khrifa ah an lut.”Bawm” mi phun hi (20000) leng an si. Cozah nih cun 6000 hrawng lawngin a thanh. Mah hi ”Bawm” miphun kong lawng si i a dih lak tial cawk si lo ca ah Tlawmpal te Thei aherh deuh mi lawng kan lak.

Catialtu : Salai Lal Lian HlawCeu

 187 total views,  1 views today

This function has been disabled for Chin 11 News.