Chin Mi kan i ruah chan mi Minister le VP kan hmu kho ti lai maw?

By Rolian: 2020 thimnak result zoh in Chin Mi kan i ruah chan mi Minister le VP kan hmu kho ti lai maw?
2020 thimnak cu NLD nih Cozah sernak he aa pehtlai mi thutden, Amyothar le Pyithu fawnh in zatuak 59.6 tluk in Cozah a ser lai. Amyotha le Pyithut thutden fonh zatuak in teinak hmuh mi cu: NLD :59.6%,  USDP :4.9% Ralkap: 25% Tlhnagcung Party 18: 7%  NLD nih cozah a ser lai caah President hi mizei dah thim hna si te hna i Ramkulh (State) Kip caah a ho dah Chief Minister a khinh te hnga ti hi ruah cio cahna a si.
President: NLD le Suu Kyi nih President caah a thing maw a chuah pi te hna hnga a thar dah tihi ruah lo awk a tha hrim lo. A thing zong president caah ruahchan nak lam a um mi cu:
1. President hi term hnih tiang peh khawh a si.Phunghram pi nih a kham lo. 2. President hna cu State kip cio chung in a changchang in tuan siseh timi NLD policies ah a um lo. 3. NLD nih aa hmaithlak mi tlam a tlinh lo mi pehzulh a herh tiah ti cio a si bantuk in President hna nih an lo hmaban zong peh rih ta seh. Mithar nak in experience ngei cang mi nih van i pehzulh ta seh tiah ti khawh. 4. President cu State pakhat sersiamnak ca men ah thim a si lo caah state kip nih a changchang in tuan theng a herh mi a si lo. 5. Atu lio President tuan mi hna hi an riantuan mi vial te hi Party sin ah report an pek lai i a rian tlam an tlin ko ahcun President caah thim than khawh a si ko.
Hi kong he pehtlai in Vice President Pu Henry Van Thio hi VP dirhmun an peti lai maw tiah a ruat mi zong an tam bantuk in ape ti lai lo ti le a pek khawh men ti cabia a hung kai len. Hihi cu NLD le Pathian kut ah a um mi a si. Pathian nih Chin ram sersiam a duh ko rih ahcun VP dirhmun cu hmuh naklam a um ko rih. phunghram nih a dawn hrim lo.
2020 thimnak hi NLD caah a biapi tuk mi a si caah mithar nak in mithing experience a ngei cang mi hi president caah an chuah pi te hna lai ka zumh. Zei catiah a biapi tuk mi caan, Federal kong ah siseh, Phunghram le remdaihnak kong ah a biapi tuk mi term a si caah mu.
State caah Chief Minister: President nih State kip caah Chief Minister cu a thim lai caah Chin ram zong ah a ho dah Chief Minister thim a si lai tihi chimchung khawh a har ngaingai. Tahchunhnak ah Vice President Pu Henry Van Thio zong hi President dirhmun hei phan than sehlaw Chin ram ah a ho dah Chief Minister a si te hnga ti kha ruah damh pah khawh a si hnga. Hiti kan ti tik ah Vice President Pu Henry Van Thio nih Chief Minister a khenh hna ti nak cu a si lo nain Chief Minister caah ruahnak tha a chuahpi khawh ve tiknak mu. Asinain Suu Kyi le NLD nih mi zei state chung in dah president a chuah pi lai hngalh a si rih lo caah Chief Minister tuanding zong chimchung khawh a har taktak.
Chief Minister cu state cozah ca men a si ko caah a lo hmabhna pehzulh koseh ti kha a hau lem mi a si lo caah Chin Ramkulh peng pakua chung in aa tlak bik minung a chuak te ko lai. 2015-2020 term Chief Minister hi cu a tuan ti ka zum lo.
A luhnacia 29 June 2020 ni ah 2020 hnu lei Chin Ramkulh ca Chief Minister caah atu lio Sipin Minister tuan lio mi U Soe Htet hi aa tlak bik tiah article ka rak tial bal cang i atu lio online catial tu hna zong nih an ruahnak an van lhnaghter ve mi ah U Soe Htet hi Chief Minister caah aa tlak bik tiah an van post len ve.
U Soe Htet hi ka zumhnak cu, mi chawnhbiak a thiam, rian a tei ma, media hna he naihniam te um a duh, mi upat a thiam, lailei kan pa le santlai lo ka len pi tawn hna ah upat hmaizah bu le hmaipanh tein mi chawnhbiak a thiam, Biachim holhrel a za, Dawtnak a ngei i Chin Ram caah hi bantuk mitha kan herh tiah ka ruah caah ka rak tial bal cang.
Minister (Vuhnaci): Chin Ramkulh nih Minister thutden 12 kan ngei. cu hna cu a tanglei bantuk hi an si.
1. Chief Minister 2. Speaker of Chin State Hluttaw 3. Vice Speaker of Chin State Hluttaw 4. Minister for Ministry of Security hnad Border Affairs 5. Minister for Ministry of Plhnaning hnad Finhnace 6. Minister for Ministry of Agriculture, Livestock, Forestry hnad Mining 7. Minister for Ministry of Roads hnad Trhnasport 8. Minister for Ministry of Development Affairs, Electricity hnad Industry 9. Minister for Ministry of Social Affairs 10. Minister for Ministry of Immigration hnad Humhna Resources 11. Chief Legal Officer 12. State Auditor General
Hi chung ah Chief Legal Officer (upadi bawizik), State Auditor le State Hluttaw hna hi mindang te pek an si nain Minister thutden cung ah a thu ve mi hna an si. Minister (vuanci) an sive nain Minister ti theng in kawh an si lo. Cun Minister for Ministry of Security and Border Affairs hi direct in ralkap nih Minister thutden a pek mi a si. President nih direct in Minister dirhmun ah a thim ding mi hna cu, Chief Minister le State Hluttaw Chairman hna hi an si. Ralkap lei nih Minister pakhat an thim ve lai. Chin State Hluttaw hna nih Vice Speaker of Chin State Hluttaw an thim ve lai i a tang mi Minister thutden 8 hi Chief Minister nih a thim ding mi a si caah Chief Minister hi a biapi taktak mi a si.
2015-2020 kar lak Minister thutden kan zoh tik ah aa ruang lo mi tete a um len. Tahchunnak ah Hakha hna cu Minister 3 bak te an ngei ti ko usih. Pu Zo Bawi, Pu Sui Thio le Pu Sani Thang Cung hna si. Falam in Pu Lian Luai le Pu Lal Tin Mang, Tedim in Pu MangHendal, Paletwa in U Soe Htet, Matupi in Pu Vui Kaw, Khnapalet in U Phwe Arr, Mindat in U Teih Thang(Vice Chairmhna of Chin State Hluttaw),
Mi zei bantuk hmanh nih Chief Minister a tuan tik ah a tanglei Minister 8 hna cu amah nawl ngeihnak in a thim ve hna lai caah Chief Minister nih pengkip caah aa tlak bik le a tha bik bak in minung thim thiam a herh ngaingai. Keimah ka hmuhnak ahcun 2020-2025 kar Chief Minister hi thlanglei laitlang mi chung in thim a si te ko lai tiah ka zumh. a ruang cuthlanglei laitlang hi thanchonak lei ah thazaang a der ngai nak a si caah.
Chin Ramkulh ah peng (Pengpi ti ko sih) pakua kan um. Minister thutden kn ngeih mi dihlak kan ting dih caah a term khatnak bantuk in Minister thutden phawtzamh ti loin pengkip buaktlak tein pek khawh kan si ko caah Minister thutden hi unau tingzo cio in phawt thiam a herh ngai.
Thantlang peng ah teinak a hmu mi minung pali chung ah minung 3 thum belte hna cu mipi nih Minister caah an duh bak hna lo. Minister cu a lengmi khenh khawh a si ko caah mipi nih an duh mi a leng minung zong hi Suu Kyi le NLD theih ding in chimrel zong a herh ve ko lai. Credit: By Rolian