Chinram kanmah tein kan i Uk khawh nakding ah cun Chinram SAC Ralhrang Sakhan 56 a um mi hna hi zeitluk tuan in dah chinmi nih kan lak dih khawh hna lai timi cungah aa hngat.
Kan Chinram chungah SAC Ralhrang ralkap Sakhan (56) an rak um i, cu chungin than Tlang peng ah um Lungler Sakhan le Mindat ah a um mi (Makui ingnu sakhan ) hna lawng chinmi nih kan lak lakkhawh rih hna.
SAC Ralhrang sakhan a um mi dihlak (56 )chungin lakcang mi sakhan (2) kan zut a si ah cun, a tu SAC Ralhrang sakhan hna hi (54) kan Chinram ah an tang rih ko tinak a si.
Relchap:CDF, CDF-KKG Le PDF-Zoland I Bawm In Khaikam Palek Sakhan An Kah, Palek 5 An Thi
Kalay le Chin ramkulh ramri, Tidem peng Khaikam khua palek sakhan (Komaing Gate) Sept 17, tuzing 5:00Am ah CDF, CDF-KKG le le PDF-Zoland i bawm in an kah i palek 5 an thi tiah PDF-Zoland nih a thanh.
Palek lei hi a thimi lawng si loin hliam a tuarmi zong an um len. Mipi vengtu ralkap lei hliamtuar le a thi an um lo tiah theih a si. Khaikam kahdohnak ruangah Laitlang lei a kai dingmi mawtaw hna cu palek nih an kham hna tiah Khaikam ah a ummi hna nih an chim.
Leave a Reply