Chief Minister Biapit Tuknak Phunthum, Chief Minister Hi Phunthum Ah Tihin Tthen A Si

By William HC

Ram hunchonak dingah a ram kokek nih neih le kenmi rumnak silo in hruaitu hna kuttu ah a ahngat deuhmi asi. Nigeria ,Mexico,Ghana le Jemica ram hna hi an ramrup ah vawleicung ah leitang thilchuak,kokek rumnak leiah a tambik ram an si hna.Ramdang tanpinak foreign Aid zong a hmu tamcem an si hna.Jemica ram nih project 62 a dirhnak dingah foreign aid tamtuk an la/hmu nain 52 leng cu an hlawhcham pi,an sunghpi. Japan cu leitang thilchuak zeipi nei lo sinain anmahnak leitang thilchuak ngah le rummi Nigeria ram let zakhat in an ram an tthangcho. (Halkha timit va dinti 2015 in 2020 chungah an lak khawh lo btk kha)

Mexico zong leitang thilchuak an ngahtuk nain,anmah ram tia simi ,an ramchung buainak le Ralpi II ruang ah sifak le harsa tuk in arak ummi Spain ram nih Vokpi le Naapi tia in Mexico ram cu a lonh.Netherlands ram cu ramchia le sifak ngaimi arak sinain tu ahcun vawleipi cinthlaknak lei ah vawleipi ah pa 3nk dirhmunah a dir ko,pinah Europe ram vialte ah riantlai tambik ramah aa chuah.Mah a cunglei ka langhtermi hna hi hruaitu ttha le fel,ralttha mi hna le miphun dawtnak taktak in ramhruai tu an neih hna mi theipar a si.

Singapore ram khi ramchia a si,leitang thilchuak pipa an nei lo,mah pinah mihpun le biaknak kip cawhrup umnak si caah buainak nih azelh pengmi hna an si.Nain hruaitu ttha Lee Kuan Yew nih vawileipi hmai ah Singapore cu vanah ahun cawi kha si.

India ram state liancem pawl simi Bihar state mipi cu India ram state kipah awkhlawh in an vaih liopi ah Bihar state in Nitish Kumar Chief Minister ahun chuah cu aw, India ramkip ah astate mipi awkhlawh a vakvai mi hna cu an ramah tlungin rian ttuancawk lo nih a rak don ko hna.

Chin state ah zei party an lal zongah Chief Minister fel le ralttha,khuakhan thiam, kan ngeih lo cun zeikhi kan si hlei lai lo. Tv control remote bang tanglei in hun hmehmi Chief Minister kan hlawt ngam hau . Chief Minister hi phunthum ah tihin tthen a si.

1nk. Caan nih a herpi chihmi ruangah ahun chuahpi sawhmi Chief Minister,a min men CM simi.
2nk. Average Chief Minister ti si i Chief Minister ttha lem lo sual lem fawn lomi,CM asi ve khih ti awk ceo.
3nk. Super Chief Minister ti si i mah cucu Chief Minister ttha hlei cuang ti an si.Miphun le ram caah tihnmi le saduhthah nganpi an ngei i mah cucu hlawhtlin pi hrim dingah aa hruhpi chihmi hna an si i an ram le miphun cu 9×10=90 calet tluk in an huncho ter khawh.

Cu super Chief Minister nihcun opposition party in MP tling siseh an party in MP atlingmi poah hna kha,mee nan hmuhnnak pengtlang caah MP nan silo khah, Miphun caah MP tlingmi nan si tikha philh lai ucih tiah bakhaih in akaih peng hna tikah pengtlang MPs siloin Miphun MPs dih an si caah lungrual tein an ram miphun an tunmer khawh.

 187 total views,  1 views today

This function has been disabled for Chin 11 News.