India rampi nih kan pa tiah an ti mi Mahatma Gandhi chuah ni bak ah, Dalit nungak cungah tleihhremnak tihnung a chuak i, mah nu hi pa 4 bak nih an tleihhrem i, an duh poh i an tuah hnuah thi sehlaw a nun a si hmanh ah, holh kho ti hlah seh an ti caah a lei an tan piak.

 

A hma a fahtuk caah dam khawh ding phun a si ti lo caah sizung ah a nunnak a liam. Hi thil cang mi nih India ram cu a hnih bak in a hninh i, Lam zawh nak an nei, tleihhrem tu pawl hi a fak khawh chung remnak pe uh tiah an au. Hi bantuk thil hi um ti hlah seh tiah mipi cu an i pum khawm hna i an au, duh lonak cu fakpi in an langhter.

Hi thil a cang ruangah Bollywood star pawl zong an van i thlak hna i, mah baktuk tleihrem le thahnak hi cu cang ti hlah seh tiah an au cio hna. Mah hna lak ah cun Actress Kangana Ranuat cu a van i thlak i fak taktak in bia a van chim ve. mah nu bantuk hi an um rih lo tiah an chim a chim mi bia cu mi tampi nih an dirpi ngaingai.

Kangana Ranuat nih cun thlaihhrem tu pawl hi. mipi mithmuh ah kap hna seh tiah tiah a chim. mah tihin an tuah lo a si ah cun, kan miphun le kan ram Nu pawl nih hin tlaihhrem hi kan tuar peng ko lai tiah a chim. mah nu hi Maharashtra State cozah he a do mi a si i nu raltha bik a si lawng si loin miphun le ram a that nak ding a si ah cun ka thih hi a poi lo tiah a au mi nu kha a si. Kangana Ranuat hi Queen of Bollywood tiah an auh mi a si.