Ceilak Hrem Hna Seh! An Taw Ah Ceilak Fung In Tuk Seh!

The Chinland Post-Hakha| 2020 May 11| Chin ramkulh Hakha khua chungah cycle a firmi minung (4) cu May 1, 2020 chun 11:am ah Hakha Palek zung nething doh yeoke Aung Phu Woe hruaimi palek pawl nih khuachung humhimnak an vah lio ah lunghrinh in minung (2) an tlaih hma sa hna hnu in cycle he an tlaih hna.

An tlaih hnaning cu Hakha khuathar Timothy sinah FZ a hmailei number aa tellomi, ahmai mei umlo in sticker benhmi siseh, Fung Kuih Thang sinah FZ a nakmi a hnu lei number aa tellomi, cover a umlomi an si i a ngeitu sinak license pakhat hmanh a um lo caah Hakha palek sakhan nih (p) 96/2020, zualnak upda pohmah 380/54 in minung (2) cu sualpuh le chekchlai an tuah hna.

Chin ramkulh Palek bawi nawlthanhnak in Hakha pengkomh palek zung, Hakha sakhan hmu hna nih an hlat hlai than tikah an firmi a sinak le Cycle firnak ah a dang minung pahnih zong an itelnak kong le Timothy inn ah FZ cycle pakhat siseh, Kenbo 125 pa (5) a um rihnak kong an chim caah cycle pawl le aa tel vemi minung (2) zong an tlaih chih hna.

Hi kong he pehtlai in Hakha Sakhanhmu nih Cycle a tlau mi paoh nih an License cauk he Sakhan ah ra hna sehlaw a dik ahcun kan pek than hna lai tiah The Chinland Post ah a chim.

Ref: IPRD Hakha

 158 total views,  1 views today

This function has been disabled for Chin 11 News.