CDM: Federal Democracy Vs Democracy Federal

Cheukhat nih Federal Democracy Vs. Democracy Federal cu ngun tangka (coin) khup le thal (ခေါင်းနှင့်ပန်း) bantuk a si ko i ṭhen awk a ṭha lomi a si an ti. Union of Burma (UB), ramkawmh bantuk ram caah cun tangka khup le thal bantuk he tahchunh cu a process maw ti duhmi a si hnga asiloah ser ciami system dah ti hi biahalnak kaa ngeih ṭheo.

Democracy Federal tiah ti a duhmi nih process tinh in democracy hmuh hnuah federal kong ceihṭhan ding a si sual lai phaan a um. Phaan awk a ummi cu:- Democracy hmuh hnu cun, parliament ah miphun aiawh palai zat tlukruang tein thlahnak in federal kong ceih le biachah siseh ti kha mitam-u a simi Kawl miphun hruaitu hna nih an duh bal (lai) lo a fian tuk tikah,

Miphun milu zat hoih in palai thlahnak parliament ah federal kong cu democracy zulhphung ning tein ceihhmainak le biachahnak kan ngei lai ti a si ko lai i, democracy cu mitam-u duhnak in biachah kha a si tikah mitlawm-u Tlangmi duhnak cu mitam-u Kawlmi duhnak nih democrcay phungning tein a thah zungzal te ko lai. Cucu democrcay ningin federal kong kan ceih ko i zeidah tiah kanmah lehlam an kan chalhnak lam a si te kho. (Kawl miphun nih anmah ukpen khawhmi ramri pinlei ah zeital Tlangmi a miphun ningin zawn an ruahnak tuanbia a um bal fawn rih lo.)

Tutan CDM nih aa tinhmi hi ralkap uknak thlak in democracy dirhṭhan tiang lawng a si ahcun, 1947 chan khirhṭhan he aa khat te kho. Cucaah Tlangmi caah cun CDM kuanfang pakhat in thum kawmh voikhat ah khelmi a si hi a biapi hringhran ko lai. Cucu:- 1. Ralkap uknak thlak 2. 2008 hrawh/thihter 3. Phunghram thar ah Federal aamahkhaan tawh hrenhchihmi democracy ram Union of Burma ram thar ser. CDM hlawh a tling hrimhrim lai! Catialtu: Thong Za Tawng