CDF-Thantlang Cathanh
===================
Thantlang Peng ah rian a tuan cuahmah mi company hna nih COVID-19 he aa pehtlai zulh ding nan zulh lai. SAC ralkap pawl Thantlang ah tam tuk an lut.
Kanmah CDF-Thantlang lei ca zong ah hnahnawhnak a um kho i nan riantuan mi hi September zarh khatnak tiang ah lim ding in nan tuan lai. Nan lim lo ahcun nan rian ngol ding a si lai tiah an thanh.
SAC nih tender auh mi a hmutu cazin a puang, Chin company pakhat tel. August 23, Chin Ramkulh SAC nih tender a auh mi Hakha City Hall le Thantlang Town Hall sa ding in a sok i a hmutu cazin a puang (lang), Chin company pakhat zong aa tel tiah kan theih.
August 23, Chin Ramkulh SAC nih tender a auh mi Hakha City Hall le Thantlang Town Hall sa ding in a sok i a hmutu cazin a puang (lang), Chin company pakhat zong aa tel tiah kan theih. Hi tender an auh mi hi 2021-2022 tangka kum budget in sak timh mi a si, tiah kan theih.
“Chin company khi aa hloh/hnawh ruang ah aho company ti cu a fiang lo nain Hakha hrambunh company pakhat a si. Cun, Aroma Rose company khi NLD cozah chan ah Chin Ramkulh Hluttaw zung le a pawng um Mangtha Khualriahbuk (Yeiktha) a rak satu company an si,” tiah minung pakhat nih The Hakha Times ah a chim.
Hakha City Hall (Myodaw Khanma) ca ah nuai 701.910 (sing 7010) man a si i RC dot 2, pe 100’x60′ in an sak lai. Cun, Thantlang Town Hall hi nuai 705.780 (sing 7050) a si i RC dot 2, pe 100′ x 60′ in sak a si lai, tiah theih a si.
Hi tender kong ah Hakha G-Z hna nih, “SAC nih a auh mi tender sok lo ding le a sok i a hmucia mi zong nih tuan hrimhrim lo ding,” tiin Hakha Campaign for Justice facebook cahmai ah ralrin peknak an rak langhter bal.
An paw cawmnak in chuak hmanh an chuak lioah Tender sok len rih cu CDF nih tlerh hna uh…An ning har tuk…Hopoah nih rian in chuak cu kn duh lo. Kawl an si ah Lai an si ah SAC Ralhrang he pehtlaih in rian a tuanmi cu Kah bak ding.
Pu Vum Tu Maung khua Vum Tu ah SAC ralkap an lor, inn chung thilri hrawh. August 22le 23 hrawng Mindat Peng Vum Tu khua ah AAC ralkap pawl umhmunkhuar in an lor, innchung thilri an hrawh dih tiah kan theih. Vum Tu khua cu SAC phu chungtel a si mi U Maung Ha (Mang Ha) hi hringtu a pa, Chin Miphun hruaitu hmasa Pu Vum Tu Maung chuahsemnak khua a si.
Khuami innka tawh an bauh i thilri an hrawh pin ah Circuit Hospital (Taihne Sii-inn) riantuantu hna umnak zong an hrawh dih. Mindat Peng khuate kip ah hin SAC ralkap nih khua khat hnu khua khat, inn khat hnu inn khat lut in umhmun an khuar i thilri an hrawh, thil mansung an fir i innzuat satil vok le ar an thah i an ei hna tiah theih a si. Credit: The Hakha Times
Leave a Reply