CDF-Thantlang Nih Ralhrang Kong Le Covid-19 Viccine Chunh Kongah Ralrinnak An Pek Cia Hna

CDF-Thantlang Nih SAC Ralhrang Pekmi Covid-19 Sii Le An Dirhmun Ai Khah Lonak Cathanh An Chuah; 1. Atulio Thantlang ah COVID-19 zawtkhamsii (Vaccines) chunh cuahmah mi hi SAC lei nih pek mi a si caah CDF-Thantlang kan dirhmun he aa kalhmi a si.

2. Sii an chunh tikah ah – (a) Biaknak hmunhma ah chunh si hlah seh, (b) CDM a tuah mi kan hnursuan piak hna hlahseh (c) Fial chom si lo in pumpak lungthlehnak in chunh siseh, (d) CDM a tuah lo mi nih chun hna seh ti kan duh.

3. Thantlang khua sang le Thantlang peng khuate lei COVID-19 committee cio nih khiahmi zulhphung a zul duh lo mi le nawl a buar lengmang mi cu CDF-Thantlang nih a herh ning in tuanvo kan in lak hna lai.

4. Cun, SAC he pehtlaihnak a ngeimi paoh paoh, an i pehtlaihnak ruangah kan riantuannak a dawnkhan tu ah ruah mi paoh paoh cu mi zei bantuk an si hmanh ah a herh ning in tawlrel nan si lai tiah ralrinnak kan in pek hna. Chinland Defense Force-Thantlang

Relchap:Manipur palek hna nih Manipur Tengnoupal district Kawlram he an i ri nak Indo-Myanmar international border pawngah meithal le kuan tam ngai an tlaih. Thawnghlattu hna nih thawng an thanh ning ah Manipur palek le Assam Rifle hna nih Moreh khua Ward no. 7 ah a um mi S.Moljol inn an cheknak ah hriamnam hi an tlaih mi a si.

Hriamnam an tlaih mi hna hi AK 47 pahnih, M-16 pahnih, 9mm pistol pathum, China ser mi hand grenade pakhat, AK- 56 le M-16 magazine 9, 9mm pistol magazine 4, 7.62mm meithal kuan 361, 5.6mm kuan 31, 9mm kuan 23, .38 mm kuan 4, small caliber kuan 7 le 8X binoculr pakhat a si.

Hriamnam an tlaih mi hna hi Moreh palek sakhan ah pek a si.Inn an chek lio ah inn ah a hohmanh an um lo caah hriamnam an tlaihmi hi a ngei tu theih le tlaih a si rih lo tiah Arunachal times nih a tial. Atu hi tuanvo ngeitu hna nih an hlathlai cuahmah lio pi a si. A rohhlan ah theih a si cang lai tiah an zumh.Ref: the chin post

Be the first to comment

Leave a Reply

Your email address will not be published.


*