CDF a tuanmi zong zu nih a kan thah dih cang . Minung zakhat chungah 80 riat zu nih a kan thah cang . warning kan pek hna phur hlah uh tiah an duh lo, zu phurh mi cu kan tlaih dih lai kan den dih lai kan khuai dih lai. Raltuknak a kan sunghter tu zu hi kan din ti lai lo, kan doh thluahmah cang lai. laimi hi zu nih a kan thah dih cang. Hakha CDF nih zu an tlaih i an khuai dih cikcek biatak tein doh hram an thok cang.
CDF a tuanmi lai mino vialte zong rak thei uh raltuknak tiang a kan sunghter tu zu hi kan doh hrimhrim lai. Zu nih kan nunnak a lak pin ah ralkap nih kan nunnak an lak fawn. Kawl kawl nih an phurh peng caah biatak tein kan doh lai. Motor ngan in an phurh zong ah kan tlaih lai i a motor ning in kan khangh dih cang lai. The Thantlang Time
CDF nih Zu an tlaih i an khuai lio Video..https://www.facebook.com/488085194974862/videos/1045580682852051
Relchap: AA Nih Hramhram In Ralkap Training An Kai Ter Mi Hna Tampi An Zaam Chin ramkulh Paletwa peng Pichawng khuakomh in AA nih training pek dingin an auh mi hna cu training an kainak in an zaam ruangah pawngkam khua hna cu AA nih meithal he khuachungah an kawl hna tiah theih a si.
AA nih Pichawng pawngkam ah a ummi khua hna cu kan hnu thla in khua 1 ah minung 3 training kai dingah hramhram in an auh hna i, ralkap training an pek hna.Training chungah raltam in an chiah hna pin ah an zomhtaih/an nek tuk hna ruangah an celh ti lo i mi tampi an zaam tiah theih a si.
A zaam mi chungah a tel mi nupi ngeicia mi hna cu an va le kawl dingin an nupi le cu meithal he tinh bu in an fial hna.Khua pakhat hna cu a hohmanh leng an chuahter hna lo.Khuachung phone vialte zong AA sin ah pek dih a si tiah a zaam ve mi chungkhat pakhat nih KMG ah a chim.
AA nih Paletwa nitlak lei Pichawng hrawng khuakomh (9), khua 40 hrawng cu kum 2019 hrawngin an control cang mi a si. A hramthawk ahcun khuachung i thithruai ning, uknak lei kan in cawnpiak hna lai ti phunin an auh mi hna a si tiah theih a si.
A hramthawk tein kai duh ruangah a kai mi zong an si lo. Atu an kawl cuahmah ko hna. Pehtlaihnak a ngeilo mi hna zong harsatnak an kan pek lai kan phang ngai.Bawmhtu kan herh ngai tiah khuami pakhat nih a chim.
Atu ralkap training a kai mi hi Rakhine ram in Rakhine miphun pawl he minung 300 hrawng an si, August 16 le 17 zaanah a zaam mi hi zei zatdah an si lai ti cu fiang tein ka thei lo, Pakhat le pakhat i hmuh ding zong an si kho lo tiah a zaam mi chungkhat hna sin in theih a si.
Paletwa peng Pichawng hrawngah a um mi khua hna cu lai Chin miphun le Chin khua lawngte an si i, AA nih hramhram in an auh hna ruangah an tih i, a kal mi an si tiah Khumi Media Group nih a tial.Ref; KMG
Leave a Reply