CDF Ralkap Caah Crusade Le Camping Tuah Hi An Rawhnak A Si Maw

Voikhat cu…
Kan ralkap pakhat nih hi ti hin bia akan ruah i ka lau ngai ngai…
“tulio ah cun Crusade le camping te hna hi tuah leen ding asi lo hih, kan ralkap hna

… an tha an thuut ter viar hna lai,
..an ral an chiat ter viar hna lai
…an i pheet chem viar lai
…miphun le ram caah an i pe duh ti lai lo…”
ati i ka ar ko.

“Ziah cucu cutincun…” ka ti i a chim awk ka hngal colh lo…
a chim rih mi cu… “mah tluk in kan miphun le kan ram caah ngamh san ral tthat le i peek a herh lio ah mah bantuk a chawngkhu nak lam hi rak kawl piak hna hlah u law a ttha lai..” a ti i keimah le keimah zong i phuhrung dih lak in ka van um.
Ka ruat i America ram i Revolution an rak tuah ning te hna, Mizoram i an rak tuah ning te hna kha ka mit thlaam ah an hung cuang.

Laura Carson i apa nih an chungkhar zohkhenh kilkawi a herh saling i miphun le ram ca i a rak kal taak nak te hna kha ka van ruat tthan. Mizoram i an dothlennak lio i pasal taktak asi mi hmape kan ngei dih an rak ti mi te hna kha ka mit thlaam ah an hung cuang.

A phi pakhat asi ko rua ti i ka hmuh mi cu…Laimi kan theology hi zeimawzat cu mawhphurhnak a ngei ko ti hi asi.
“Mi nung hi a ttha kho kan si lo”
“Misual a daw tu Pathian, Saantlailo a dawtu Pathian ti i thlacam kan hman mi …?”

“Fimnak le cawnnak le thiamnak zeirello cawnpiaknak”
” Van i zuam ve van ttan ve lei forh nak bia hrial in veel le dawtnak in a ciasa rumro conak lawng cawnpiaknak ”
Mah bantuk lei kap cawnpiaknak hmang in Crusade le Camping tuah mi kan tam tuk ruang ah hin mah ti i ati hi asi ko ti hi ka hmuh ning asi.

Cu pin ah zei ti nan um poh ah nan thlarau cu khamh nan si ko, nan zumh ko, nan pian thar ko ah cun ti in bia an hrenh ta rih.
Atu lio ah cun “na piangthar lo” ti cu hlaan lio i “hnam na ngei” ti he ai lo cang ti hi kan theih chih dih a herh mi asi.Crd.. Salai B Cinzah

Be the first to comment

Leave a Reply

Your email address will not be published.


*