CDF Ralbawi Pawl Ko Hi Dahkaw Ralram Ah Ral A Tu Mi An Si Cu, Zei Hngallo In Thangchiat Ti Hna Hlah Usih

Ka Sia A Herh ngai caah hihi ka raktial mi a si. a thei thiam lomi kan tampi caah mipi nih theih awk ah a herh rua tiah ka ruah i ka rak tial nak a si.

Naite ah khan kan unau CDF commander pa nih a chim mi cu a mak ka ti ngaingai. CDF le CNA an bawi pawl an kong a chim i khuaruahhar ngaigai khi a si. Raltuknak hmun ah hin CDF ralbawi pawl cu hmaisuang kan si i kan nau le hi kan hnu lei ah kan chiah hna tiah a chim.

CNA ralbawi pawl cu Beuha an suai piak hna i an ralkap hna hmai ah an chiah hna, CDF hruaitu pawl cu an nau le caah an temtuar taktak khi a si. Zei thei lo in CDF hruaitu pawl cu an rum dih tiah lih lelih in catial hmang mi kan tam ngai an kong lam tha tein hngalh lo ahcun a chim hmanh chim ngam ding a si lo.

Kan hnu lei i Laikua an i kah zongah Miruak lak ding i a kal mi pawl hi CDF Commander pawl le an nau le nih ruak an va kawl hna i ruak an lak lio ah hin ralhrang nih an kah cuahmah hna nain an hruaitu hna nih zaam lo ding an ti caah a hnu ah tha tein ruak pawl an lak khawh.

CDF hna a thangchiattu pawl nih hin an sin i va kal i vazoh ahcun zaang an fak taktak dah kaw. Khua an kal i an poket money hmanh khi anmah phaisa dahkaw an hman cu , Cucu hngalh loin CDF pawl an hruaitu firpuh le din lonak lawng chim hi ngol cang hna usih. Ram caah nunnak pek in ral a tu mi hna kan unau hna hi zaangfak tuk dahkaw an si cu. Crd..Pa Bawi Mh

Relchap>>>>A tulio buaipi bik mi Hakha Le Thantlang Karlak i Timit hlei hi ralhrang pawl caah a bipi taktak mi a si i, Timit hlei an tuah lo ahcun Thantlang khuapi ah khua a sa mi ralhrang pawl khi harsatnak an tog kho. Eidin tirawl ah siseh,Hriamhan ah siseh duhpoh in an i chan kho lo.

Fur a tla cang i helicopter duhpoh in a tum khawh ti lai lo caah ralhrang nih hin Timit hlei hi a ran nak in tuah an timh timi hi a dik taktak mi a si ko. Hi hlei an tuah khawh lo ahcun harsatnak a tong ding an si.

Timit hlei hi remh khawh hna seh law Thantlang ah khua a sa mi CDF le CNA caah a him lo chin lengmang ve lai. A ruang cu ralhrang nih duhpoh in hriamnam an i chan kho pinah, ralkap thazaang an i chap lengmang lai i Thantlang khua ah a um mi CDF le CNA caah a him lo. Ralhrang nih an thanh mi a si ko ahcun Thantlang ah khua a sa mi CDF hi Chemical Weapon in kan thah dih hna lai tiah an thanh cang.

Cu lawng si loin ralhrang thazaang an i chap khawh sual a si ahcun Thantlang peng khuate hmun kip an fuh lai i duhsah tein khuate an lut lai i khuate um mi zong kan him ti lai lo. Timit hlei hi ralhrang nih tuah kho hna hlah seh law a tha bik ko. Crd..Pa Lian Kb

 

 

Be the first to comment

Leave a Reply

Your email address will not be published.


*