
CDF Mindat le Ralhrang I Kahnak Ah Ralhrang Hriam Lak Piak An Si Hlei Ah Pakhat An Tlaih Mindat khua thlanglei kahdohnak ah ralhrang phu lei in a thi mi an tam,a tli mi ralhrang phu lei in minung pakhat cu a hriam he CDF Mindat nih an tlaih
Chin ramkulh, Mindat khua thlanglei ah nizaan August 17, ni ah Mindat-CDF le ralhrang phu kar kahdohnak a chuak, cu kahdohnak ah ralhrang phu lei an hriam cu an lak piak khawh hna, ralhrang phu in a zaammi pakhat cu tlaih a si tiah CDF Mindat thawngzamhnak nih an langhter.
CDF Mindat le ralhrang phu kar nizaan kahdohnak ah meithal, kuan hna le an bawm hna cu chia tak in, an tli tiah Mindat-CDF nih tlaih mi ralhrang ralkap nih a chim.
Nizan kahdohnak ah ralhrang phu lei in a thi mi an tam,meithal -6, kuan hna le hriamngan kuan hna cu lak an si tiah CDF sin in theih a si, kahdohnak kong ah thawngfiang cu phungning thanhnak a um rih lo.#Khit Thit Media
Relchap:Phapun pengkomh KNLA le ralhrang ni 15 chung ah kahdohnak voi 56 a chuak: Kayin ramkulh,Phapun pengkomh, Mutaw pengkomh chung ah ralhrang phu hna le KNLA kar August thlachung ah kahdohnak voi 56 a chuak,atu zong ah brigade 2 hmunhma ah ralhrang phu hna nih minung thazaang an chap caah kahdohnak a chuak than lai tiah khua mi hna thin phang in an um.
August 3 ni in ni 15 ni tiang ah KNU brigade 5 hmunhma chung ah ralhrang phu hna le ramri hngak (BGF) phu hna nih ralhrang minung thazaang chap in le an hriam thazaang an chap,hmunhma lak in cawlcanghnak an tuah,sakhan an saknak ruang ah nitin in kahdohnak a chuak tiah KNU thawngzamhnak nih August 18 ah cathanh an chuah.
Kahdohnak chungah ralhrang phu lei in minung 34 an thi,tat-yin-hmu pakhat tel in minung 15 nih hliam an tuar, KNA brigade 5 lei in minung pathum nih hliam an tuar i,khaumi pakhat a nunnak a liam.
Ralhrang phu lei nih an kah mi hriamngan lung 88, hriamhme 1500 tluk cu khuachung leikuang, dum chung ah an puak. Mutaw pengkomh brigade 5 chungah fakngai in kahdohnak a chuak kho mi a si tiah KNLA brigade 5 in biachimnak nawlngeitu duh-buhmugyi Saw Kalay Doe nih a chim.
July thla chung ah kaphnih kar kahdohnak voi 134 a chuak.Cu chung ahcun ralhrang phu lei in minung 8 cu an nung bu in tlaih an si, 115 cu an thi i minung 101 nih hliam an tuar.Motor 2 cu hrawh a si i, rang pahnih thah a si,rang pali nih hliam an tuar tiah KNU nih cathanh an chuah.
KNU brigade 2 hmunhma chungah ralhrang phu hna nih minung thazaang an chap,kahdoh cawlcanghnak thadeuh in an tuah hlei ah kaphnih kahdohnak a chuah nak hmun khua pawng ah an um kal caah Kayin ramkulh,Tan Tantawnggyi peng,Sanaykung khua mi hna cu kahdohnak a chuak than lai an phan caah an zaam tiah khuami hna sin in theih a si.
Atu ah brigade 2 hmunhma chungah ralhrang phu lei nih thazaang chap in cawlcanghnak an tuah caah fakdeuh in kahdohnak a chuak kho tiah brigade 2 in tat-hmu pakhat nih ralrin ding in a chim.
Khuami hna caah lo facang hmun, meh hang dum le thingthei dum hna hmun in an chuah tak caah eiding kong leng ah furcaan a si caah um thut dir nak le ngandamnak caah thinphang a si ko tiah ralzaam bawmchan tu hna Kayin mino pakhat nih a chim. Credit TCP
Leave a Reply